Logotipo.png
Oñeñe’ẽ guaraníme ONU-pe
Publicado: 12/19/19 01:00:p. m.

Karai consejero Misión Permanente del Paraguay, Organización de la Naciones Unidas (ONU) pegua, Alberto Esteban Caballero Genari, ohesa’ỹijo hemiandu oiporuhápe avei guarani ñe’ẽme, ONU Asamblea General-pe, ijatyhaguépe maymáva oñemohu’ã hag̃ua Ypykuéra Ñe’ẽita Ary Yvy’ape Ári, ONU koty guasúpe, New York, Estado Unidos-pe.

Ohesa’ỹijóvo hemiandu guaraníme, he’i: “Hi’ãnte maymáva ñañomoirũ jahechápa jaikuaave ñande ypykuérape, mba’épa ñanerekombo’ekuaa ha’ekuéra ha mba’eichagua arandu rypy’ũpa iñe’ẽnguéra ombo’ayvukuaa ñande apytépe”.

Oñembohasátaramo castellano-pe he’i: “ojalá nos involucremos todos para conocer más a nuestros antepasados, qué nos pueden enseñar ellos y qué tipo de profunda sabiduría pueden hacernos escuchar sus lenguas”.

Ko aty guasúpe, oikova’ekue upe 17 jasypakõime, oĩ avei karai embajador paraguaigua ONU-pe, Julio César Arriola Ramírez, omoirũ aty ONU-pe oikóva.


Compartir esta noticia

Últimas Noticias Publicadas