Logotipo.png
Oñeñomongeta ypykuéra ñe’ẽnguéra rehe FACSO-pe
Publicado: 07/11/19 07:55:a. m.

Ko ararundy, 10, ohasava’ekuépe, mbo’ehaovusu Facultad de Ciencias Sociales (FACSO), Universidad Nacional de Asunción (UNA) peguápe, oñeñomongeta “Ñane ñe’ẽnguéra haitéma” (Es hora de nuestras lenguas) rehe, jahechápa toñemomba’eve ñe’ẽnguéra ko mbo’ehaovusúpe, ko’ýte ypykuérañe’ẽnguéra, Paraguái ha América pegua.


Oñeñeha’ã avei péicha oñemombareteve opa mba’e oñemongu’éva arandupyeta rérape hañe’ẽnguéra rehehápe. Oñembosako’i ko ñomongeta Ypykuéra Ñe’ẽita Ary Yvy’ape Ári ryepýpe.

Paraguái Ñe’ẽnguéra Sãmbyhyha (PÑS) guive, karai Ramón Barboza, omba’apóva Ypykuéra Ñe’ẽ Ñeñongatu ha Ñemoasãi Moakãhapavẽme, omombe’u ko atýpe mba’eichaitépa oñemba’apo ojejúvo PÑS guive ypykuéra ñe’ẽnguéra rehehápe, oñeñongatu, oñemombarete ha oñemoasãivo,ko’ýte umi ikangynungaitéva.

Omoirũ avei ambueve tapicha arandu, Susy Delgado, Tetã Arandupy Sãmbyhyha guive; Carlos Ferreira, Guarani Ñe’ẽ Rerekuapavẽ Yta; Mário Ramão Villalva, mbo’ehaovusu Universidad Federal de Integración Latinoamericana de Brasil guive.

Ko ñomongeta ombosako’i Cátedra Guaraní I ha Sociología remimbo’ekuéra primer semestre pegua, ha oykeko Dirección de Extensión Universitaria. Oiko FACSO koty guasúpe.


Compartir esta noticia

Últimas Noticias Publicadas