Logotipo.png
Oñepyrũ guarani ñembo’e Tesãirãme
Publicado: 10/08/19 01:31:p. m.

Oñepyrũ ko araapýpe guarani ñe’ẽ ñembo’e hérava “Curso de guaraní comunicativo” umi omba’apóva Tesãi ha Tekoporãve Motenondeha-pe ndive. Ko ñe’ẽ ñembo’e ipukúta 100 aravo ha ojepysóta 29 jasypateĩ meve.

Ko ñembo’e rupive tekoteve umi tetã mba’apohára oñe’ẽ ha ohaikuaa guaraníme, tove toñembokatupyry hikuái oikumby, oñe’ẽ, omoñe’ẽ ha ohaikuaa hag̃ua ipype, ha tove péicha taimbareteve guarani jeporu meme, castellano ykére, he’iháicha Léi 4251/10 Ñe’ẽnguéra reheguápe.

Ñe’ẽ Rape’apo moakãharapavẽ Paraguái Ñe’ẽnguéra Sãmbyhyha (PÑS) pegua, Celia Godoy, ha avei hembiapo irũnguéra, omoirũ ko guarani ñembo’e.

Ko “Curso de guaraní comunicativo” oisãmbyhy Unidad de Asuntos Lingüísticos (UAL) TTM pegua ha oipytyvõ PÑS. Ohupytýta 49 mba’apohárape.



Compartir esta noticia

Últimas Noticias Publicadas