Logotipo.png
Oñombyaty Comisión Nacional Ypykuéra Ñe’ẽ Ary rehegua
Publicado: 10/31/19 02:25:p. m.

Ko arapópe oñombyaty ñepyrũ Ypykuéra Ñe’ẽita Ary Yvy’ape Ári Aty Paraguái pegua, ojeguerojeráva Léi 6352/19 rupive. Omoakã Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero; Paraguái Ypykuéra Ñangarekoha (PYÑ) moakãhára, Édgar Olmedo; ha Tetã Arandupy Sãmbyhyhára (TAS), Rubén Capdevila.

Oñepyrũvo, PÑ sãmbyhyhára he’i tuichaiterei mba’eha ko aty: “Un hecho histórico, marca un hito en nuestro país porque estamos aquí representados los tres poderes del Estado, los pueblos indígenas y las organizaciones que trabajan a favor de los nativos”, he’i.

Oñe’ẽnguévo ypykuéra ñe’ẽita Paraguái pegua rehe he’i: “Ha’ekuéra imbovy, katu heta iñe’ẽnguéra ha ndojehechái chupekuéra. Es una población minoritaria, minorizada e invicibilizada”, omombe’u.

He’i avei sãmbyhyhára umi ypykuéra ñe’ẽ ñane retã megua tekotevẽ ojehechakuaa, oñemombarete ha oñemomba’e, ha ndaikatúi oñemomba’e upe ndojeikuaáiva. “Necesitamos de una política pública inclusiva, participativa y con enfoque intercultural”, omboty.

Ko atýpe oñemoñe’ẽ ha oñeñomongeta reglamento interno ha mba’eichaitépa ojegueroguatáta ko aty, upe rire, ijaty jeývo ág̃a jasypateĩme, oñehesa’ỹijóta ko Aty rembiaporãita rape.

Umi jehupytyrãitéramo oguerekóva ko Comisión niko: ombosako’iva’erã tembiaporã ha apopyrãnguéra oñemombarete hag̃ua ñane retã rekojopara ha omoasãi hag̃ua ypykuéra ñe’ẽita, ojegueroguatáva umi mbohapyve tetã pokatu guive. Avei, oñemba’apóta ojekuaave, ojeporu ha oñemomba’eve hag̃ua ypykuéra ñe’ẽita, ñane retã arandupy rypy’ũháicha.

Avei, toñeñemongu’e tekotevẽva ojehechakuaa hag̃ua ypykuéra ñe’ẽita derécho; ha tojegueroguata Plan de Normalización de la Lengua Guaraní, omoañetekuaátava mokõivéva ñane retã ñe’ẽ tee, he’iháicha Léi 4251/10 Ñe’ẽnguéra rehegua.

Ko atýpe oike 27 temimoĩmby, taha’e Estado pegua, ipypegua’ỹ, ypykuéra, ha ambue aty omba’apóva herapekuéra. Ko aty ko arapegua oiko Archivo Nacional kotýpe, Paraguaýpe.

Ko Ypykuéra Ñe’ẽita Ary Yvy’ape Ári Aty Paraguái pegua ñeñombyaty peteĩha niko tuichaiterei mba’e, he’i rehe léi oguerojeráva chupe ojepysotaha peteĩ ary pukukue ha ojeipapa ñepyrũ ko ára guive.


Compartir esta noticia

Últimas Noticias Publicadas