Logotipo.png
Oñombyatýta ko’ẽrõ YÑAYA Aty Tetãmegua
Publicado: 02/18/20 10:10:a. m.

Ypykuéra Ñe’ẽita Ary Yvy’ape Ári (YÑAYA) Aty Tetãmegua, omoakãva Paraguái Ñe’ẽnguéra Sãmbyhyha, oñombyatýta omba’apo hag̃ua ko ararundy 19-pe, 9:00 aravo guive 12:00 peve, Archivo Nacional-pe, opytáva Mcal. Estigarribia e/ Iturbe rapépe, Paraguay távape.

Ko ñeñombyaty rupive hi’ã oñehesa’ỹijo umi aty’i rembiaporã rape, oñembosako’íva oñeñombyaty hag̃ua umi ypykuéra ndive oñeñomongetávo sãsópe ha oñemomarandúvo chupekuéra hekopete, ojejaposevahína heta hendápe ñane retãpýre.

Avei, oñehesa’ỹijose Ypykuéra Ñe’ẽita Ary Yvy’ape Ári (YÑAYA) Aty Tetãmegua jehaipy oñemog̃uahẽtava Ejecutivo ha Legislativo pokatuvetépe, he’iháicha artículo 6°-pe, Léi 6352/19-pe.

Ta'anga: yma guare.


Compartir esta noticia

Últimas Noticias Publicadas