Logotipo.png
Osẽ mombe’upyrusu pyahu ñoha’ã heta virúpe oñembojopóitava
Publicado: 01/18/21 10:16:a. m.

Umi González Oddone-vakuéra, Academia Paraguaya de la Lengua Española ñepytyvõme, oguenohe Mombe’upyrusu Pyahu “Beatriz Rodríguez Alcalá de González Oddone” 2021 ñembojopói. Haipy ha’evéva ogueraháta US$ 6.000.

Opa umi oikeséva ko ñoha’ãme ikatu ogueroike ihaipy 30 jasypoteĩ meve ko 2021 arýpe. Umi oiporavótava, oĩva González Oddone-kuéra ha Academia Paraguaya de la Lengua Española rerapegua, oikuaaukáta mávapa ha’eve 31 jasypoapýramo ko 2021-pe. Opaite mba’e ojeikuaava’erã ojeikesérõ ko ñoha’ãme ikatu oñemoñe’ẽmbaite ko’ápe Jesarekorãnguéra.

Ko jopói, oñeme’ẽtava jepi mokõi ary ohasa rire, niko hína tuichavéva haipy rehegua Paraguáipe ojejesarekóramo viru oñeme’ẽtava rehe, ha hese ae ojehecharamo ha oñemomba’ese tembiasa raperekahára ha haihára ñane retãygua katupyry Beatriz Rodríguez Alcalá de González Oddone.


Compartir esta noticia

Últimas Noticias Publicadas