Logotipo.png
Paraguái Ñe’ẽnguéra Sãmbyhyha Rembiapo Momarandu 2019
Publicado: 04/27/20 02:03:p. m.

Paraguái Ñe’ẽnguéra Sãmbyhyha (PÑS) omog̃uahẽ maymávape Hembiapokue Momaradu 2019 arýpe guare, ojehechakuaajeyhápe oguataha ohóvo ñe’ẽnguéra rehehápe ñemba’apo ko tetã remimoĩmby guive.

Upe 2019 ary, PÑS guive oñemba’apókuri mba’eguasuetére ha’éva Ypykuéra Ñe’ẽita Ary Yvy’ape Ári ñemomorã ñane retãme ñesãmbyhy, péva ojejapo oñemboyke’ỹre opa umi ambue apopyrã oguerekóva oykekóva añetehápe umi Paraguái ñe’ẽ, ha péva he’ise oykekóva ñande rapicha ipuruhárape.

Guarani jepuru añete Estado guive; ñe’ẽnguéra rape’apo; ypykuéra ñe’ẽita ñeñongatu ha ñemoasãi, ko’ýte umi oguepotáva ha ñe’ẽnguéra raperekahína itenondeve opa umi PÑS rembiapo apytépe. Upéichante avei, hogapýpe oñeha’ã omba’apo hekopete ha tesakãme, oipurúvo hendapete ha iporãveháicha opa mba’e ha viru oñeme’ẽva chupe omba’apo hag̃ua.

PÑS guive akóinte kyre’ỹme oñemba’apo oñemoañete hag̃ua Léi 4251/10 “Ñe’ẽnguéra Rehegua”, oñembojerovia hag̃ua mayma paraguaigua ñe’ẽnguéra derécho ha oñeñangareko hag̃ua ñane retã arandupýre, ha’éva upe ñane retã ñe’ẽita.

Ko’áta ikatu rehesakutu remoñe’ẽ térã remboguejy hag̃ua reiete PÑS Rembiapo Momarandu 2019.


Compartir esta noticia

Últimas Noticias Publicadas