Logotipo.png
PARAGUÁI ÑE’ẼNGUÉRA SÃMBYHYHÁRA, OĨ KURI ATY TENONDERÃ OÑEMBOHAPEPOTÁVO ÑOÑE’ẼME’Ẽ PARAGUÁI TEKOMBO’E ÑEMOMBARETEVERÃ 2030-PE
Publicado: 11/30/21 04:24:p. m.

Paraguái Ñe’ẽnguéra Sambyhyhára, Ladislaa Alcaraz de Silvero oĩ Kuri Aty Tenonderã Oñembohapepotávo Ñoñe’ẽme’ẽ Paraguái Tekombo’e Ñemombareteverã 2030, oñembosako’íva Paraguái Virurenda Atyguasu kotýpe. Ko aty omoakã Karai Juan Manuel Brunetti, Tekombo’e ha Arandupy Motenondeha, omog̃uahẽva ñoñe’ẽme’ẽ Paraguái Mburuvichavete Karai Mario Abdo Benitez pópe, upéicha avei temimoĩnguéra motenondeharakuérape, tavusukuéra omoakãva ha tekombo’epegua aty oĩvape.

Umi mba’e oñemomba’eguasúva apytépe ojejuhu, toñemboguata peteĩ apopyrã tekombo’epeg̃uarã mokõive Paraguái ñe’ẽteépe opaite tekoatypeg̃uarãva, oñemboguatakuévo tekombo’erã apopyrã opavave temimbo’e ha tekombo’erã Paraguái Tekombo’e Raperã ryepýpe.

Upéicha avei ojehechakuaa ko atýpe umi pueblo indígena-kuéra tekombo’erã apopyrã ñembohapeporãve, ojekuaave ha tekombo’e rembiasa ñehesa’ỹijo. Ipahaitépe, apopyrãnguéra ohendu’ỹva ñe’ẽ ojeporuhag̃ua ha Tetã ambue ñe’ẽ jeroike ha ñemopeteĩ rekorã tekombo’e ryepýpe.


Compartir esta noticia

Últimas Noticias Publicadas