Logotipo.png
Paraguái oguerovy’áta umi 19 ñe’ẽ ypykuéra mba’évape
Publicado: 01/07/19 10:18:a. m.

Paraguái ñe’ẽnguéra aty apytépe niko oĩ avei umi 19 ñe’ẽ ypykuéra mba’éva; ãva ou po ñe’ẽ rapógui, omongakuaa ha omomba’eretéva ñane retã arandupy. Ko 2019 “Año Internacional de las Lenguas Indígenas” ryepýpe, Paraguái he’i avei omomorãtaha ko ary ha ombojo’a omba’apo kyre’ỹvetaha ikatu hag̃uáicha akóinte hekoveresãi ko’ã ñe’ẽ.

Heta mba’épe ha heta hendáicha niko oñemomorãta ko ary pukukue. Ko ñane retã ypykuéra ñe’ẽita jeguerohory niko omoakãta Paraguái Ñe’ẽnguéra Sãmbyhyha (PÑS), heta ambue temimoĩmby ñepytyvõme.

Ijapoukapy ipapapýva 71/178-pe, ONU he’i 2019 ha’eha “Año Internacional de las Lenguas Indígenas” ha péva rupive tove tajahechakuaave heta ypykuéra ñe’ẽ ogueha ohóvo ha tekotevẽtereiha oñeñongatu ko’ãva, oñemombarete jey ha ojeikuaauka ha toñemba’apo pyha’e herapekuéra tetãpýre ha yvy’ape tuichakue. ONU ojerure UNESCO-pe omoakã hag̃ua ko ary ñemomorã guasu.

Umi 19 ypykuéra ñe’ẽ oikovéva Paraguáipe niko oike umi po ñe’ẽ rapópe: Guaraní, Mataco, Maskoy, Zamuco y Guaicurú. Ñande ypykuéra oĩ 120.000 rupi, péicha he’i Censo Nacional de Población y Viviendas para Pueblos Indígenas.

UNESCO he’i oĩha 370 térã 500 millón tapichárupi ha ha’ekuéra hekojoparapavéva yvy’apére, ha’ekuéra umi hetave omoĩngove ñe’ẽnguéra, opa umi 7 mil ñe’ẽ oĩva apytégui.


Compartir esta noticia

Últimas Noticias Publicadas