Logotipo.png
Paraguái Ruvichavete Remimoĩmbykuérape oñehenói omoañete hag̃ua Léi Ñe’ẽnguéra rehegua
Publicado: 11/01/18 03:19:p. m.

Paraguái Ñe’ẽnguéra Sãmbyhyha (PÑS) mba’apoharakuéra oñombyaty ko arapo pyharevépe umi Unidad de Asuntos Lingüísticos (UAL) guakuéra ndive, oĩva Paraguái Ruvichavete Remimoĩmbykuéra ryepýpe. Ko aty rupive oñeñeha’ã oñembohape Léi 4251/10 Ñe’ẽnguéra rehegua ñemoañete ko’ã temimoĩmbýpe.

Paraguái Ñe’ẽnguéra Sãmbyhyhára, Ladislaa Alcaraz de Silvero, omoñepyrũ ko aty ha he’i PÑS rembiapo tuichaha omoakãvo ko Léi Ñe’ẽnguéra rehegua ñemoañete, tenonderã Paraguái Ruvichavete ryepýpe ha upéi oñeg̃uahẽva’erã mbohapyrvéva Estado ñemboja’ópe.

Alcaraz imandu’a avei tembiaporã oguerekóva UAL guakuéra. “El guaraní hasta la fecha aun no es una lengua de la administración”, he’i. Upéi ombojo’a guaraníme “ndaikatúi ñamboyke ñande rapichápe ñe’ẽ oiporúva rehe”.

Ko atýpe oñeñe’ẽ tembiaporãrape jeguerojera rehe ha omba’apo hag̃ua UAL-kuéra, Paraguái Ruvichavete pegua. Ojehesa’ỹijo opa mba’e he’íva Léi Ñe’ẽnguéra reheguápe guarani rehe, ko’ýte ijehairã rehe, ha avei guarani jeporu memerã tetã rembiapópe apopyrã.

50 rasa tapicha UAL, Paraguái Ruvichavete Remimoĩmbykuéra ryepypegua ijaty, Centro de Educación Permanente Ko’ẽ Pyahu (PRODEPA) kotýpe.


Compartir esta noticia

Últimas Noticias Publicadas