Logotipo.png
Parlasur guive ojeykekose Paraguái ñe’ẽita
Publicado: 05/08/19 08:14:a. m.

Paraguaiguakuéra, Mercosur Parlamento-pe oĩva, omoirũ avei Apoukapy Ipapapýva 71/178, oguenohẽva’ekue Organización de las Naciones Unidas Atypavẽ, he’ívo 2019 ha’eha “Ypykuéra Ñe’ẽita Ary Yvy’ape Ári”, ha upévare, upe 29 jasyrundýpe, ojerurékuri mayma Parlamento pegua omoirũ hag̃ua ko Apoukapy.

Oñombyatývo Comisión de Educación del Parlamento del Mercosur peguakuéra ndive, Paraguái Ñe’ẽnguéra Sãmbyhyhára, Ladislaa Alcaraz de Silvero, ojerure oñombyaty jey vove hikuái Parlasur-pe oñemoneĩ hag̃ua kuatia rupive ko Ary Ñemomorã.

Sãmbyhyhára he’i tuichamba’eha ñamongu’e ha jaykeko ypykuéra ñe’ẽ, ko’ýtema katu guaraní, ha’e rupi Parlasur rembipuru. He’i tuichaitereimba’etaha Mercosru Parlamento oguenohẽramo kuatia, ONU-icha, oñemoherakuã hag̃ua ñe’ẽita, ko’ýte ypykuéra ñe’ẽnguéra.

Guarani, upe 2014 guive, Parlasur rembipurúma avei omba’apokuévo, ha opaite ijatýpe ojeporu ayvúpe, castellan ha portugués ndive.

Ko aty omoakã Parlasur pegua, María Eugenia Crichigno, Comisión moakãhára. Oiko Biblioteca ha Archivo, Congreso Nacional peguápe.

Oĩ avei ko Comisión de Educación atýpe, Mercosur Parlamento peguakuéra, Blanca Lila Mignaro y los parlamentarios Nelson Argaña, Enzo Cardozo ha Neri Olmedo.


Compartir esta noticia

Últimas Noticias Publicadas