Logotipo.png
Peteĩ aty guasúpe oñehesa’ỹijo pãi tavyterã ñe’ẽ
Publicado: 06/02/21 07:09:a. m.

Paraguaigua lingüista Celeste Escobar ohesa’ỹijo hembiapokue kuehe peteĩ aty guasúpe hérava Simposio Internacional de Lenguas Indígenas Amazónicas, oikova’ekue Brasil, katu ojehecháva Youtube rupive. Celeste mba’ekuaapy ohesa’ỹijova’ekue héra “Alofonía y tipos de raíces en el pãi tavyterã guaraní de Ita Guasu, Amambay”.

Celeste Escobar ohesa’ỹijo hembiapo pãi ñe’ẽ rehegua pa ary guivéma ojapóva oúvo. Omoirũ chupe ko atýpe tekoha mburuvicha Leandro Valiente, tava’i Pikykua, Amambay, pegua; ha’e ohenduka iñe’ẽme peteĩ mombe’urã ha Celeste ombohasa castellano-pe.

Ko Simposio Internacional de Lenguas Indígenas Amazónicas oñepyrũva’ekue Brasil-pe 2007 arýpe (Manaus) ha 2008-pe (Recife). Ko ary pegua Amazónicas VIII ojejapo Universidad Federal de Goias ha Universidad de Brasilia ñepytyvõme, ha omoirũ UNESCO Brasil pegua; oiko 31 jasypo guive 4 jasypoteĩ meve.


Compartir esta noticia

Últimas Noticias Publicadas