Logotipo.png
PÑS ha Instituto Desarrollo omba’apo joajúta Paraguái ñe’ẽnguéra rehehápe
Publicado: 09/10/21 10:12:a. m.

Ko arapoteĩme Paraguái Ñe’ẽnguéra Sãmbyhyha (PÑS) ha Instituto Desarrollo (ID) omboheraguapy ñoñe’ẽme’ẽ kuatia ha he’i ojupe omba’apo joajuseha omoañetévo apopyrãnguéra ñane retã ñe’ẽnguéra jehekombo’e, kuaapyreka ha kuaapyñeñemyasãi rehegua.

Mokõivéva temimoĩmby he’i oĩha peteĩ ñe’ẽme ojoajúvo omboguata hag̃ua oñondive apopyrãnguéra jehekombo’e, kuaapyreka, kuaapyñemyasãi, tembiasarã ha temimbo’ekuéra kuaapy mopyendarã, ikatúva omombaretejey, ohechauka ha ojeporumeme hag̃ua guarani ñe’ẽ ayvu ha jehaípe, tetã ñe’ẽ teeháicha castellano ndive.

He’i avei hikuái omongu’eseha tekombo’e ha kuaapyreka arandupyeta rehegua ha oykekokuaáva opa umi ypykuéra ñe’ẽ oikovéva ñane retã Paraguáipe.

Ko ñoñe’ẽme’ẽ kuatia ñemboheraguapyhápe, PÑS sãmbyhyhára, Ladislaa Alcaraz de Silvero, oaguyjeme’ẽ ikatúta rehe joajúpe oñemba’apo ñe’ẽnguéra rehe, ko’ýte umi ojehekojopýva rehe ñane retãme. “Jaguereko mokõi ñe’ẽ tee (guarani ha castellano), peteĩ rehe ñañangareko porãveva’erã ikatu hag̃uáicha jahupyty pe jaipotáva, tove tojeporu joja mokõivéva ñane retã ñe’ẽ tee”, he’i sãmbyhyhára ko atýpe.

ID rérape omboheraguapy ko ñoñe’ẽme’ẽ, Cinthia Fleitas, ko temimoĩmby directora administrativa. Oĩ avei José Molinas, ID director académico, ha ambueve mburuvicha, oikova’ekue ID rógape, Paraguay távape.


Compartir esta noticia

Últimas Noticias Publicadas