Logotipo.png
PÑS ha Luque Tavao omboheraguapy ñoñe’ẽme’ẽ ñembokuatia
Publicado: 09/06/21 10:29:a. m.

Ko arakõime omboheraguapy ñoñe’ẽme’ẽ ñembokuatia Paraguái Ñe’ẽnguéra Sãmbyhyha (PÑS) ha Luque Tavao jahechápa joajúpe ndoguerahái hikuái tenonderã apopyrãnguéra omoañetepotávo mbeguekatúpe Léi 4251/10, Ñe’ẽnguéra Rehegua, ko tavao ryepýpe.

Ñane retã ñe’ẽ tee (guarani ha castellano) jeporu joja, oñeñe’ẽ ha ojehaikuévo, ha ambueve ñe’ẽita rehe ñeñangarekohína umi apopyrãnguéra ojehupytyséva joajúpe ko ñoñe’ẽme’ẽ ñemboheraguapy rupive.

Ko kuatia ñemboheraguapy omoakã PÑS sãmbyhyhára, Ladislaa Alcaraz de Silvero, ha Luque Tavao moakãhára, Cristhian Ramón Bernal. Upéichante avei, omoirũ ambueve mburuvicha ko’ã mokõive temimoĩmby pegua.

Ko aty oikokuri ko arakõi pyharevépe, Luque Tavao rógape, Central tavusúpe.


Compartir esta noticia

Últimas Noticias Publicadas