Logotipo.png
Gobierno-Logo-Espanol---Guarani-SM-claro-V2.png
PÑS HA MEC OMBA’APO JOAJUHÍNA GUARANI JEPORUMEMERÃ REHE
Publicado: 06/19/17 01:56:p. m.

Paraguái Ñe’ẽnguéra Sãmbyhyha (PÑS) ha Tekombo’e ha Tembikuaa Motenondeha (Ministerio de Educación y Ciencias, MEC) omba’apo joajuhína jahechápa nda’ikatupyryvéi mokõive ñane ñe’ẽtee jeporúpe opa umi oñemoarandúva umi 41 Instituto de Formación Docente de Gestión Oficial-pe.

foto3.PNG

Ko arakõi pyharevépe PÑS Sãmbyhyhára, Ladislaa Alcaraz de Silvero, Ñe’ẽ Rape’apo Moakãharapavẽ, Celia Godoy ndive, oñombyaty viceministro de Educación Superior, MEC-pegua, José Arce Farina ndive. Ko’ã mburuvicha he’i ojupe oñoipyryvõ kyre’ỹtaha tembiapo joajúpe.

PÑS ogueroguatáva aponde’a guasu “Normalización del uso de la lengua guaraní junto al castellano en los 41 Institutos de Formación Docente de Gestión Oficial de la República”, omoneĩmava MEC rupive, oñemba’apohína guarani jeporu joja castellano ndive, taha’e ayvu térã haipýpe, opaite umi 41 IFD-pe.

Avei, ñe’ẽnguéra rehe ñemba’apo Estado guive rupive oñeñeha’ãhína tove taikatupyryve mokõive ñane ñe’ẽteépe opa umi moakãhára, mbo’ehára ha temimbo’e, IFD peguakuéra.

Léi 4251 Ñe’ẽnguéra rehegua, artículo 30-pe he’i mbo’ehao omoarandúva mbo’ehararãme onohẽva’erã mbo’ehára iñe’ẽmokõi añetéva, guarani ha castellano-pe.


Compartir esta noticia

Últimas Noticias Publicadas