Logotipo.png
​PÑS ha Paraguay Tavao oñoñe’ẽ omba’aposégui oñondive
Publicado: 11/18/20 05:42:p. m.

Paraguái Ñe’ẽnguéra Sãmbyhyha (PÑS) ha Paraguay Tavao omboheraguapy ko ararundýpe kuatia ombojoajuvévo ñoñe’ẽme’ẽ omba’apove hag̃ua joajúpe ko’ã mokõive temimoĩmby ha péicha tove togueroguatave hikuái apopyrãnguéra omoañetepaite hag̃ua Léi 4251/10 “Ñe’ẽnguéra rehegua”-pe he’íva.

Ko kuatia ñemboheraguapy omoakã Paraguái Ñe’ẽnguéra Sãmbyhyhára, Ladislaa Alcaraz de Silvero, ha omoakãva Paraguay Tavao, Óscar Rodríguez. Omboheraguapy avei ko kuatia Paraguay Tavao pytyvõharapavẽ, Javier Candia Fernández.

Paraguái Ñe’ẽnguéra Sãmbyhyára omombe’u opaite mba’e ikatúva ojejapo guarani ñe’ẽ ojepurumeme hag̃ua ko Paraguay Tavao rembiapópe, ha upépe PÑS oykeko mbaretéta chupekuéra guarani ojehai ha oñeñe’ẽ kyre’ỹ hag̃ua, castellano ykére, mokõivéva ñe’ẽ teeháicha.

Avei, omoakãva Paraguay Tavao omombe’u añetehápe oykekoha guarani ojepuru kyre’ỹ hag̃ua opiate hembiapokuérape.


Compartir esta noticia

Últimas Noticias Publicadas