Logotipo.png
PÑS ha UNA he’i ojupe omba’apo joajutaha ñane ñe’ẽnguéra rehehápe
Publicado: 03/11/21 01:28:p. m.

Ko arapópe omboheraguapy ñoñe’ẽme’ẽ Paraguái Ñe’ẽnguéra Sãmbyhyha (PÑS) ha Universidad Nacional de Asunción (UNA) ikatu hag̃uáicha ogueroguata hikuái joajúpe apopyrãnguéra umi Paraguái ñe’ẽita rehehápe ha oñemoañetepaitévo Léi 4251/10 “Ñe’ẽnguéra Rehegua”.

PÑS sãmbyhyhára, Ladislaa Alcaraz de Silvero, ha UNA rectora, Zully Vera de Molinas, omboheraguapy ko kuatia oñoñe’ẽme’ẽhápe mokõive mburuvicha guasu ko’ã temimoĩmby rérape, he’íva ojupe omba’apo joajutaha umi hembiaporã teépe.

Ko ñoñe’ẽme’ẽ rupive, PÑS ha UNA he’i oñopytyvõtaha ogueroguata hag̃ua apopyrãnguéra taha’épa tekombo’e, jeporeka ha mbo’ehaovusu rembiapo tavayguápe g̃uarã rupive, ko’ýte umi ñe’ẽnguéra rehe ojejapóvape.

Ko kuatia oñemboheraguapy ko arapo pyharevépe UNA Rectora kotýpe, San Lorenzo távape. Omoirũ avei heta ambueve mburuvicha ko’ã mokõive tetã remimoĩmby pegua.


Compartir esta noticia

Últimas Noticias Publicadas