Logotipo.png
PÑS mba’apoharakuéra oñe’ẽ guarani jeporu protocolo-pe rehe
Publicado: 10/08/19 11:13:a. m.

Paraguái Ñe’ẽnguéra Sãmbyhyha (PÑS) mba’apoharakuéra oykeko aty hérava “jornada de socialización sobre protocolo y ceremonial desde la perspectiva de la Ley 4251/10 de Lenguas”. Ombosako’i ko aty Unidad de Asuntos Lingüísticos (UAL), Tesãirã Motenondeha pegua, ha imba’apoharakuérape g̃uarã.

Ñe’ẽ Rape’apo Moakãhapavẽ, PÑS pegua, Alcibiades Brítez, ohesa’ỹijo mayma oĩvape ñane retã ñe’ẽnguéra léi, taha’e Léi Guasu, ñe’ẽnguéra derécho yvy’ape arigua, ha ko’ýte, Léi 4251/10 Ñe’ẽnguéra rehegua.

Oisãmbyhýva PÑS Momaranduha Renda, Arnaldo Casco, omombe’u ikatuha opaichagua aty guasu oñemoakã avei guaraní, castellano ykére. Upekuévo, ohechauka mayma oĩvape heta ñe’ẽ, ñe’ẽjoaju ha haipyvõ guaraníme ojeporukuaáva aty ñemoakãme.

Ko aty hérava “Jornada de socialización sobre protocolo y ceremonial desde la perspectiva de la Ley 4251/10 de Lenguas” oiko upe arapoteĩ ohasava’ekuépe Senepa rógape, Paraguay távape.


Compartir esta noticia

Últimas Noticias Publicadas