Logotipo.png
​PÑS oguerovy’a hi’ára tembipurupyahu rupive
Publicado: 08/11/20 12:14:p. m.

Ko árape, 11 jasypoapýpe, ojeguremandu’ávo Paraguái Ñe’ẽnguéra Sãmbyhyha 9 arayvoty ha mba’asy guasu covid-19 ryepýpe oñemomorã tembipurupyahu Zoom rupive ko temimoĩmbýpe. Omoirũ umi PÑS mburuvicha ha mayma imba’apohára, Unidad de Asuntos Lingüísticos peguakuéra, ha ambueve tapicha.

Paraguái Ñe’ẽnguéra Sãmbyhyhára, Ladislaa Alcaraz de Silvero, omomaitei mayma ko temimoĩmby mba’apohárape ha heta jey omomba’e akóinte omba’apo kyre’ỹ rehe hikuái omoañetévo ko’ẽko’ẽ rehe PÑS rembiapo tee.

Avei, oguerovy’a opa umi mba’e ohupytýmava PÑS ko 9 ary pukukuépe, ogueroguatávo hembiapoite ñe’ẽnguéra rehehápe ha oñeñangarekóvo mayma paraguaigua ñe’ẽ derécho rehe.

Ko PÑS aramboty ñemomorãme omomaitei avei ambue mburuvicha, tapicha arandu ha PSÑ angirũ; avei, omokyre’ỹ ha opurahéi Polka Stereo Concepción tavusu guive ha ombo’ayvu ñe’ẽyvoty Lucino Rodríguez Faroffi Villa Hayes guive.


Compartir esta noticia

Últimas Noticias Publicadas