Logotipo.png
PÑS oipytyvõ UNP-pe
Publicado: 05/10/19 10:12:a. m.

Paraguái Ñe’ẽnguéra Sãmbyhyha (PÑS) mba’apoharakuéra omba’apo kuehe, arapópe, mbo’ehaovusu Universidad Nacional del Pilar peguakuéra ndive. Oykeko chupekuéra ñe'ẽ ’ehe ñemba’apópe ha ojeporu meme hag̃ua guarani ko mbo’ehaovusúpe.

PÑS mba’apoharakuéra ohesa’ỹijo mayma oĩva atýpe ndive mba’eichaitépa ojegueroguatakuaa guarani jeporu meme, castellano ykére, tetã ñe’ẽ teeháicha, ha oñemoañetévo Léi 4251/10, Ñe’ẽnguéra Rehegua.

Umi PÑS mba’apohára oporopytyvõva’ekue niko Ñe’ẽ Rape’apo Moakãhapavẽ megua, Saturnina Díaz, Alcibiades Brítez ha Mario Gaona.

PÑS oipytúi hape omoañetévo ijekupytyrãite ha oguatávo apoukapykuéra ári, taha’e ñande Léi Guasu, Léi Ñe’ẽnguéra rehegua, Apoukapy 6797 ha ambueve léi taha’e ñane retã okaguigua ha ñande rupytýva avei, oñe’ẽva ñe’ẽnguéra ha tapicha derécho hesegua rehe.


Compartir esta noticia

Últimas Noticias Publicadas