Logotipo.png
​PÑS omoirũ estampilla-kuéra pyahu ñeguenohẽ
Publicado: 10/12/21 02:55:p. m.

Temimoĩmby Dirección Nacional de Correos del Paraguay (Dinacopa) oguenohẽ, ko araapýpe, 10.000 estampilla pyahu ha oñembohéra chupekuéra América Upaep-Turismo. Ko aty oiko Correo Paraguayo rógape ha omoakã isãmbyhyhára, Luis Fernando Servín Colmán.

Ko’ã ta’anga osẽva ojeporavopyre ñoha’ãme oisãmbyhyva’ekue Asesoría Filatélica, ko Correo Paraguayo pegua. Ka’avo ypegua hérava Jakare Yrupẽ itenondeveva’ekue. Mokõihápe oĩ playa Cerrito, Ñe’ẽmbuku pegua, ra’anga. Mbohapyhápe opyta Tejedora de Ñanduti ra’anga, ha irundyhápe katu Salto Monday ra’anga.

Paraguái Ñe’ẽnguéra Sãmbyhyha rérape omoirũ omoakãva Departamento de Gestión de Políticas Lingüísticas, Ñe’ẽ Rape’apo Moakãhapavẽ megua.


Compartir esta noticia

Últimas Noticias Publicadas