Logotipo.png
PÑS sãmbyhyhára omoirũ Consejo de Educación Indígena ñembyaty
Publicado: 05/21/21 10:16:a. m.

Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero, oñeipepirũ omoirũ hag̃ua 5ª Sesión del 2021 del Consejo Nacional de Educación Indígena oikóva ko arapoteĩme tembipurupyahu rupive.

Ko atýpe, sãmbyhyhára omombe’u mayma oivape opa umi ojegueroguatáva temimoĩmby oisãmbyhýva guive, oykekokuaáva Paraguái pegua ypykuéra ñe’ẽita ha iñarandupykuéra.

Opa umi mba’e omombe’úva apytépe oĩ leirã omoheñoikuaátava opa ararãicha aty ñane retãmegua ypykuéra ñe’ẽita rehegua, avei apoukapyrã ohechakuaátava ypykuéra ñe’ẽita.

Avei, apoukapy apopyrã refrendo de reconocimiento omohendapaitéva ypykuéra ñe’ẽ taha’e jahiporãrã, ñe’ẽ’atýpe, ijepuruporãme ojehai ha oñeñe’ẽnguévo ha ñe’ẽryrukuéra tee, ha ambueve mba’e.

Ko aty omoirũ umi 19 ypykuéra aty Paraguái pegua, Tekombo’e ha Tembikuaa Motenondeha, Órgano Indigenista Oficial, Organizaciones no Gubernamentales, ha umi Consejo de Áreas de Educación Escolar Indígena.

PÑS sãmbyhyhára oñe’ẽmba rire, oñemopa’ũ oñeñomongeta hag̃ua Tekombo’e ha Tembikuaa Motenondeha mburuvichakuéra ndive opa umi mba’e oñemongu’ekuaáva ko temimoĩmby ndive ojeykekóvo ñane retãme ypykuéra jehekombo’e hekopete.

PÑS sãmbyhyhárape omoirũ Ñe’ẽ Rape’apo moakãharapavẽ, Celia Godoy, ha Ypykuéra Ñe’ẽ Ñeñongatu ha Ñemoasãi moakãharapavẽ, Rossana Bogado.


Compartir esta noticia

Últimas Noticias Publicadas