Logotipo.png
PÑS sãmbyhyhára omoirũ heta tetã aty mombyry guive oikóva
Publicado: 06/10/20 03:20:p. m.

Zoom rupive, ko ararundýpe oiko aty hérava Segunda Reunión de Cooperación Sur-Sur de Altas Autoridades Iberoamericanas para Avanzar en la Creación del Instituto Iberoamericano de Lenguas Indígenas (IIALI). Paraguái omoirũ avei ko aty, Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero, rupive.

Ko aty ñeñombyaty rupive oñeha’ã oñeñomoñe’ẽpeteĩ oñembohapévo apopyrã Programa/Iniciativa del Instituto Iberoamericano de Lenguas Indígenas (IIALI). Avei, tove tojeikuaauka opa mba’e ojejapóva ha mba’emba’épepa oñeguahẽ ojeguatávo IIALI ñemoañete rapére.

Avei, tove toñembohape ojehupytypaitévo opa umi mba’e oñeikotevẽtaneva ojeguerojera ha oguatávo IIALI; ha tove peteĩteĩva umi tetã tomba’apo, tapicha aty omba’apóva avei ko jehupytyrã reve, añetehápe omoañetétava IIALI reñói oñema’ẽvo XXVII Cumbre Iberoamericana de Jefes de Estado y de Gobierno rehe.

Omoirũ ko aty opa umi tetã oykekóva ko apopyrã guasu, taha’e Argentina, Bolivia, Chile, Ecuador, España, Guatemala, Honduras, México, Nicaragua, Paraguái ha Perú. Avei, Fondo para el Desarrollo de los Pueblos Indígenas de América Latina y el Caribe (FILAC), Secretaría General Iberoamericana (SEGIB) ha Organización de Estados Iberoamericanos (OEI), ombosako’ívaramo ko aty.

Upe “XXVI Cumbre Iberoamericana de Jefes de Estado y de Gobierno”, oikova’ekue tava La Antigua Guatemala-pe, Iberoamérica pegua tetã mburuvichakuéra he’iva’ekue tekotevẽha ojeguerojera IIALI, ha upéicha tove: “implementar medidas para la preservación, transmisión y desarrollo de las lenguas (indígenas) en la vida comunitaria y en la sociedad en su conjunto constituyendo una red de alianzas con instituciones públicas, académicas, medios de comunicación, organismos financieros y organizaciones de la sociedad civil”.

América Latina yvy’ape ári hetave ñe’ẽ oguerekóva, 99 ñe’ẽ atýrupi oguereko. Umi 500 rasa ypykuéra ñe’ẽ oñeñe’ẽ gueteríva América Latina-pe ohasa’asy joaite hikuái, upéicha he’i Unesco (2010). Cuarta parte ko’ãvagui ikatu omano, noñemba’apo kyre’ỹiramo herapekuéra.


Compartir esta noticia

Últimas Noticias Publicadas