Logotipo.png
PÑS sãmbyhyhára omoirũta Instituto Cervantes aty guasu tembipurupyahu rupive
Publicado: 10/14/20 10:21:a. m.

Ko’ẽrõ, jasypo 15 jasypápe, 6:00 guive Paraguái aravópe, Instituto Cervantes España pegua oguenohẽta hembiapo guasu “Anuario del Instituto Cervantes. El español en el mundo 2020”. Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero-pe, oñeipepirũ omoirũ hag̃ua ko aty guasu ha ohesa’ỹijóta hembiapokue “Particularidades de la coexistencia del guaraní y del español en el Paraguay”.

Ko mba’asy vai covid-19 gui, ojepysóva yvy’ape tuichakue, ko Anuariom 2020 pegua oñeguenohẽta tembipurupyahu rupive ha ikatúta ojehecha oiko jave ojeikévo Instituto Cervantes Youtube-pe (https://youtu.be/3ls0lgEoP68).

Ko “Anuario del Instituto Cervantes. El español en el mundo 2020” ogueroike peteĩ PÑS haipy, ha’e ohesa’ỹijo kuaapy hérava “Particularidades de la coexistencia del guaraní y del español en el Paraguay”. Ko kuaapy, Ladislaa Alcaraz de Silvero ohesa’ỹijóta avei ko Anuario osẽ jave ko arapópe.

Ko aty omoakãta ministra de Asuntos Exteriores, Unión Europea y Cooperación, Arancha González Laya; avei oñe’ẽta Instituto Cervantes moakãhára, Luis García Montero, directora académica del Instituto Cervantes, Carmen Pastor Villalba, PÑS sãmbyhyhára, Ladislaa Alcaraz de Silvero, Universidad de Alcalá mbo’ehára, David Fernández Vítores.


Compartir esta noticia

Últimas Noticias Publicadas