Logotipo.png
PÑS sãmbyhyhára oñe’ẽta Paraguái ñe’ẽita rehe Portugal-pe
Publicado: 11/20/19 03:11:p. m.

Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero, oĩ ñomongetarã hérava “Plurilingüismo, pluricentrismo y diálogos interculturales” oikótava amandaje guasu “Iberoamérica: una comunidad, dos lenguas pluricéntricas (CILPE2019)”, Lisboa távape, Portugal retãme.

Ta'anga: Amaguare.

Ko amandaje guasu oikóta 21 ha 22 ko jasypateĩme, ha sãmbyhyhára Ladislaa katu oikéta oñe’ẽ ág̃a arapoteĩme 14:00 jave. Ombosako’i Organización de Estados Iberoamericanos para la Educación, la Ciencia y la Cultura (OEI), oipytyvõ mbarete Alto Patrocinio do Presidente da República de Portugal ha heta ambueve temimoĩmby.

PÑS sãmbyhyhára ohesa’ỹihjóta heta kuaapy ko’ã mba’e rehegua: ñaneñe’ẽkõi, guarani ha castellano, jeike ojokuápe; mba’éichapa ojeporu ko’ã mokõive Paraguái ñe’ẽ tee; mokõive ñe’ẽ tee jehetejora ha mba’etépa tetãnguéra remimoĩmby rembiapoita; español jeike ypykuéra ñe’ẽita apytépe, ha ñe’ẽnguéra jehekombo’erã ha avei arandupy joajúpe jehetejora.

Ko amandaje guasúpe oñehesa’ỹijóta portugués ha español ñe’ẽ ndivepa mba’éicha oikove avei opa umi ambue ñe’ẽ ha arandupy, avei política kuápe, viru jeporu, ñehekombo’e, tembikuaa, tekoaty digital, mba’eporãha arandupy.


Compartir esta noticia

Últimas Noticias Publicadas