Logotipo.png
“¡Qué hermosa es tu voz!”: 102 enlhet remimombe’u
Publicado: 07/16/20 08:07:a. m.

“¡Qué hermosa es tu voz! Relatos de los enlhet sobre la historia de su pueblo” héra aranduka oguenohẽva Hannes Kalisch ha Ernesto Unruh. Ko aranduka omono’õ umi enlhet ituja ha ig̃uaig̃uíva remimombe’u, heñoiva’ekue 1920 ha 1940 ary ryepýpe, ha ohasava’ekue hekohakuérape jeike ha opa mba’e oguerúva kóva hekovekuérape.

Ko aranduka guasu ojejuhukuaa Paraguay távape Servilibro-pe (25 de Mayo ha México, ipumbyry papapy 021 444 770) térã Museo del Barro-pe (Grabadores del Cabichuí, Cañada ha Emeterio Miranda, ipumbyry papapy 021 607 996); térã Chaco-pe, aranduka renda Fernheim-pe, Filadelfia távape.

Ko “¡Qué hermosa es tu voz!”-pe, umi enlhet omombe’u 102 mombe’upy rupive hembiasakuéra, oñemombe’u’ypýva iñe’ẽteepekuéra. Péicha ohenduka hikuái hembihecha 100 ary apytépe ohasava’ekue rehegua. Ojapo hikuái oipepirũvo oñomongeta hag̃ua mayma umi oikóva hendivekuéra peteĩ tetãme.

Enlhet-kuéra remimombe’u ojoavypaite umi oikepyahuva’ekue hekohapekuéra he’íva hesekuéra ha hembiasáre. Hetaitereíma ojehai oka guive hesekuéra, opavave nunga Alemania ñe’ẽme, umi menonita ha misionero rembiapokue.

Ko ypykuéra aty enlhet oĩ Maskoy ñe’ẽrapo ryepýpe. Oĩ hikuái 8.167 ha hekohakuéra oĩ Presidente Hayes, Boquerón ha Alto Paraguay tavusúpe.


Compartir esta noticia

Últimas Noticias Publicadas