Logotipo.png
Sãmbyhyhára oikuaauka senador-kuérape ojejapóva ojejúvo iñe’ẽngúva ñe’ẽ rérape
Publicado: 05/27/21 06:41:a. m.

Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero, oñombyaty kuehe ka’aru umi oĩva Comisión Asesora Permanente de Derechos de las Personas con Discapacidad del Senado peguakuéra ndive ha oikuaauka chupekuéra mba’emba’épa ojejapo ojejúvo oñemoañete ha oñemoasãivo Lengua de Señas Paraguaya (LSPy) oñemoneĩva Léi 6530/20-pe.

PÑS sãmbyhyhára oñepyrũvo oikuaauka aty hérava Subcomisión de Información, Comunicación y Lengua de Señas-pe, Conadis pegua, ha’e oisãmbyhýva avei, ha omombe’u avei opa mba’e ojejapómava ko aty guive, omono’õva heta ñande rapicha ikatupyry ambuéva aty. Ko aty guive voi ningo oñemoheñói ñepyrũ va’ekue ko leirã upéi oñemoneĩva ha ohechakuaáva LSPy.

Omombe’u upe tuichave mba’e ojehupytyséva ko aty guive, PÑS guive, ha opaite tetãygua voi tekotevẽva jaipota, jahechakuaáva mayma ñande rapicha iñe’ẽngúva derécho. “Superar las barreras comunicacionales, las de acceso a la información y lograr la participación plena de las personas sordas, mediante el empleo de su lengua propia”, he’i sãmbyhyhára.

Omombe’u avei opa umi mba’e ojehupytýmava, ojegueroguatáva ha tekotevẽva ojejapo, taha’e PÑS guive, térã upe ambue aty oisãmbyhýva guive. Oñeñombyatýkuri senador-kuéra ndive Zoom rupive.


Compartir esta noticia

Últimas Noticias Publicadas