Logotipo.png
Sãmbyhyhára rendápe og̃uahẽ embajador británico, Matthew Hedges
Publicado: 12/18/19 03:41:p. m.

Ko ararundýpe oñombohupa ha oñomongeta Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero, ha embajador británico Paraguáipe, Matthew Hedges. Ko karai ojerure omog̃uahẽmi hag̃ua chupe sãmbyhyhára oñomongeta ha oikuaave hag̃ua Paraguái ñe’ẽita reko ha mba’éichapa ikatu oñoipytyvõ mokõive temimoĩmby.

Karai embajador oikuaaseteve guarani ñe’ẽ rehegua marandu ha avei umi 19 ypykuéra ñe’ẽ oikovéva ñane retã. Avei, mba’etépa PÑS rembiapoita Paraguái ñe’ẽnguéra rérape.

Matthew Hedges-pe niko ojeikuaaitemi red social-kuérare ha ko’ã pa’ũme akóinte oporomomaitei térã omoasãi marandu guaraníme avei. Ko arýpe katu he’i oiporukuaataha pokãpokã jepe opaite umi 19 ypykuéra ñe’ẽ oĩva Paraguáipe, techapyrã ikatúva jajapo joaite avei.


Compartir esta noticia

Últimas Noticias Publicadas