Logotipo.png
​SEDECO oguenohẽ apoukapy 1000-ha guaraníme
Publicado: 12/15/20 04:31:p. m.

Paraguái Ñe’ẽnguéra Sãmbyhyhára, Ladislaa Alcaraz de Silvero, rendápe ou ko araapýpe Secretaría de Defensa del Consumidor y el Usuario (SEDECO) sãmbyhyhára, Juan Marcelo Estigarribia López; ha ogueru apoukapy 1000-ha, omoguaranipyréva ko temimoĩmby.

Ejeheguieténte ojapo ko tetã remimoĩmby ko apoukapy 1000-ha ñemoguarani. PÑS sãmbyhyhára oguerovy’a ha ojerure tove akói toñembojerovia joja mokõivéva ñane retã ñe’ẽ tee, péicha oñepyrũva ha ikatúva oguata kyre’ỹ upe rire ko temimoĩmby guasuetégui.

Avei, SEDECO sãmbyhyhára he’i ha’ekuéra akóinte omba’apoha oñangarekóvo mayma omba’ejoguáva derécho rehe, ha akóinte avei ojesarekóva hikuái ñande Paraguái ñe’ẽ tee mokõive rehe.

Mokõive mburuvicha he’i ikatuha omba’apo joaju ñepyrũ hikuái ojepuru kyre’ỹvo mokõive tetã ñe’ẽ tee.



Compartir esta noticia

Últimas Noticias Publicadas