Logotipo.png
Tembipurupyahu rupive oñombyaty iñe’ẽngúva ñe’ẽ rehe omba’apóva
Publicado: 07/21/20 01:03:p. m.

Paraguái Ñe’ẽnguéra Sãmbyhyha (PÑS) guive oñemoakã ko araapýpe tembipurupyahu rupive ñeñombyaty iñe’ẽngúva ñe’ẽ rehegua, omoirũ ko timoĩmby mburuvicha ha imba’apohára, Secretaría Técnica de Planificación del Desarrollo Económico y Social (STP) pegua ha ñande rapicha arandu Argentina ha Canadá guive.

Ta'anga: Ta'angamýi ñemoha'anga.

Ko peteĩha tembipurupyahu rupive ñeñombyatýpe oñeñomongeta ñe’ẽ mba’apohára ha ipype oñembokatupyryvaháicha mba’emba’épa ikatúne ojejapo tembikuaa guive térã oñembohapévo tembiapo Paraguái pegua iñe’ẽngúva ñe’ẽ rérape; oñemongu’ekyre’ỹkuaavémava ko’ág̃a ojehupyty rire mba’e guasuete ha’éva ko Léi 6530/20 “Que otorga reconocimiento oficial a la Lengua de Señas Paraguaya (LSPy)”.

PÑS sãmbyhyhára, Ladislaa Alcaraz de Silvero, omoakã ko aty ha omoirũ chupe PÑS Ñe’ẽ Rape’apo moakãharapavẽ, Celia Godoy, Ñe’ẽ Rapereka moakãharapavẽ, Domingo Aguilera, ha mabueve ko tetã remimoĩmby mba’apohára.

Umi ñande rapicha iñarandúva ñe’ẽme ha ãva apytépe iñe’ẽngúva ñe’ẽme omoirũva’ekue ko aty niko: Andrés Salanova, Canadá guive, ha Yanina Boria ha Alicia Avellana, Argentina guive. STP guive katu omoirũ Laura Riveros ha Marcelo Goiburu, ha avei umi ñande rapicha ombohasava’ekue opa oje’éva iñe’ẽngúva ñe’ẽme.


Compartir esta noticia

Últimas Noticias Publicadas