Logotipo.png
Umi omba’apóva ñe’ẽnguéra rehe oñombyaty ko araapýpe
Publicado: 04/06/21 11:36:a. m.

Paraguái Ñe’ẽnguéra Sãmbyhyha (PÑS) omoakã aty umi oĩva Unidad de Asuntos Lingüísticos (UAL) peguakuéra ndive opa umi tetã remimoĩmby oguerekómava ko mba’apoharenda ha oku’émava ohóvo. Ko atýpe oñembohape opa umi ojejaposéva ko 2021 ary pukukue.

Ñe’ẽ Rape’apo moakãharapavẽ, PÑS pegua, Celia Godoy, omoakã ko aty tembipurupyahu rupive, ha omohesakã maymávape tuicha mba’eha ojeipykúi tape rehe ha péicha tove toñemoañete Léi 4251/10 “Ñe’ẽnguéra rehegua” opa umi tetã remimoĩmby ryepýpe.

Ko atýpe oñeñe’e avei mba’éichapa oñemba’apóta, ojehechakuaávo opa umi ojejeruréva oñeñangarekopa hag̃ua ojuehe ha ani ova ko mba’asy vaiete covid-19.

UAL jehupytyrãite ningo hína tove tojepuru joja mokõive umi ñane retã ñe’ẽ tee, guarani ha castellano, taha’e ijehaípe térã oñeñe’ẽnguévo, opaite umi tetã remimoĩmby guive. Avei, tove toñeñangareko umi ambue ñe’ẽ rehe, taha’e iñe’ẽngúva ñe’ẽ, ypykuéra ha pytaygua ñe’ẽ oikovéva ñane retãme.


Compartir esta noticia

Últimas Noticias Publicadas