Logotipo.png
​Umi Unidad de Asuntos Lingüísticos peguakuéra oñombyaty Zoom rupive
Publicado: 08/03/20 01:32:p. m.

Umi ñande rapicha oĩva Unidad de Asuntos Lingüísticos (UAL) peguakuéra heta Estado remimoĩmby guive oñombyaty ha omba’apo tembipuru pyahu rupive ko arakõime Paraguái Ñe’ẽnguéra Sãmbyhyha (PÑS) mburuvichakuéra ndive ombohapévo hikuái tembiaporãnguéra oñemoañetévo Léi 4251/10, Ñe’ẽnguéra rehegua, umi tetã remimoĩmby guive.

Ko aty Zoom rupive omoakã PÑS sãmbyhyhára, Ladislaa Alcaraz de Silvero; ha’e ohesa’ỹijo ko UAL rehegua marandu, iñemoheñói, hekoguata he imombareterã. Omoirũ chupe Ñe’ẽ Rape’apo moakãharapevẽ PÑS pegua, Celia Godoy; ha’e ohesa’ỹijo umi tembiaporãitéramo ojeguerekóvo UAL peguakuéra ndive.

Oñehesa’ỹijo tembiaporãnguéra ko 2020 pegua, jahechápa toñeñeha’ã akóinte toñemoañete ko Léi Ñe’ẽnguéra rehegua, ko’ýte upe oñe’ẽhápe jaipuru jojava’erãha mokõive ñane retã ñe’ẽ tee (guarani ha castellano) Estado rérape ñamba’apóramo. Upe rire, oñeñomongeta ñehenoiguasu “Rohayhu che ñe’ẽ” ko 2020 ary pegua rehe ha mba’eichaitépa oñemomorãkuaa guarani ñe’ẽme opa tetã remimoĩmby guive.


Compartir esta noticia

Últimas Noticias Publicadas