Logotipo.png
Ypykuéra aty árape, Guaná atýpe oñeme’ẽ ijyvyteerã
Publicado: 08/09/19 11:31:a. m.

Ypykuéra Aty Yvy'ape Arigua Ára, oñemomorãva 9 jasypoapy jave jepi, Explanada del Palacio de Gobierno-pe, Tetã Mburuvichavete, Mario Abdo Benítez, ome’ẽ Guana atýpe ijyvyteerã, opytáva San Lázaro, Concepción tavusúpe.

Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero, heta ambue mburuvicha ndive, omoirũ ko aty, oñeme’ẽhaguépe avei 1.000 ogarã umi oikotevẽvévape.

Ko árape oñeme’ẽ Guana atýpe ijyvyteerã, ha péicha ojehechauka avei ojeykekoha ko Ypykuéra Ñe’ẽita Ary Yvy’ape Ári ryepýpe.

PÑS, ñe’ẽ peteĩme ko Guaná aty ndive, omba’apo upe 2013 ary guivéma jahechápa iñe’ẽteekuéra ta’imbarete jey, toñeñongatu ha toñemoasãi. Guaná ñe’ẽ omotenonde umi ikangyvéva.

Tetã aty ONU omoneĩ 2019 Ypykuéra Ñe’ẽita Ary Yvy’ape Ári-ramo ikatu hag̃uáicha jahechakuaa ha ñamomba’eve ypykuéra ñe’ẽ ha anivéma ikangy térã ogue ñande apytégui.



Compartir esta noticia

Últimas Noticias Publicadas