Logotipo.png
Ypykuéra ñe’ẽ rehe omba’apóva oñombyaty ha omba’apo
Publicado: 09/15/21 12:55:p. m.

Paraguái Ñe’ẽnguéra Sãmbyhyha (PÑS) oporohenói oñombyaty ha omba’apo hag̃ua umi ypykuéra oĩva ñane retãme ñe’ẽnguéra rehe ikatu hag̃uáicha oñombohovake ikuái peteĩ kuatai ári omoneĩ térã ohechakuaátava opa umi ypykuéra ñe’ẽita mohendahakuéra, taha’e ijachegety, iñe’ẽtekuaa, iñe’ẽryru, ha ambueve.

Ko aty omoakã Ypykuéra Ñe’ẽ Ñeñongatu ha Ñemoasãi PÑS pegua moakãharapavẽ, Rossana Bogado, ha Dirección General de Educación Escolar Indígena, Tekombo’e ha Tembikuaa Motenondeha pegua, César González. Oĩ avei umi Consejo de Educación Indígena pegua ha Área de Pueblo moakãharakuéra, ha DGEEI ha PÑS mba’apoharakuéra. Ko aty oiko ko ararundy pyharevépe Zoom rupive.

Ko kuatia omoneĩ térã ohechakuaátava umi ypykuéra ñe’ẽita mohendahakuéra ohai ha omog̃uahẽ henondepekuéra PÑS, péva ári maymáva oñemoĩ oñemombe’u ha oñombohovake hikuái, he’i avei oguerahataha oikuaauka hekohapekuéra ha upéi ombohovai hag̃ua PÑSpe.

Ág̃a oñemoneĩmba ha oñeguenohẽ vove ko kuatia, hi’ári ikatúta ojeguata oñemoneĩ térã ojehechakuaa ypykuéra ñe’ẽita mohendahakuéra, taha’e ijachegety, iñe’ẽtekuaa, iñe’ẽryru, ha ambueve.



Compartir esta noticia

Últimas Noticias Publicadas