Logotipo.png
​Ypykuéra ñe’ẽita rerapegua aty omba’apo tembipurupyahu rupive
Publicado: 07/17/20 12:10:p. m.

Ko arapoteĩme omba’apo Tetãmegua Aty Ypykuéra Ñe’ẽita Ary Yvy’ape Ári (TAYÑAY) pegua. Oñombyaty ha omba’apo hikuái, ojejesarekóvo mba’asy vai oĩva rehe, tembipurupyahu Zoom rupive.

Paraguái Ñe’ẽnguéra Sãmbyhyhára (PÑS), Ladislaa Alcaraz de Silvero, ko TAYÑAY moakãharaháicha, oisãmbyhy ko aty ha omoirũ chupe heta ambue mburuvicha opa umi temimoĩmby ha tapicha aty rérape oĩva ko atýpe, ha umi ñande rapicha ypykuérava omba’apo avei.

Sãmbyhyhára oñe’ẽñepyrũ ha ohesa’ỹijo kuaita haipy omombe’úva ko aty ohupytýmava ha oñeg̃uahẽva’ekue mbohapyve Estado pokatúpe. Upe rire, Ypykuéra Ñe’ẽ Ñeñongatu ha Ñemoasãi moakãharapavẽ PÑS, Celia Godoy, omombe’u opa umi mba’e ojehupytýmava TAYÑAY aty’i guive.

Upe rire, mayma umi oĩva atýpe omombe’u hemiandu, hembihecha, hemimo’ã ha ambueve mba’e opa umi mba’e ojejapómava ha ojejaposéva ári ojeykekóvo opa umi ypykuéra ñe’ẽ oikovéva Paraguáipe.



Compartir esta noticia

Últimas Noticias Publicadas