Logotipo.png
50.000 rasáma oñemboguejy app Guarani Ayvu
Publicado: 01/19/22 11:04:a. m.

Ko tembipuru ombohasáva ñe’ẽ guarani, castellano ha inglés-pe, hérava Guarani Ayvu, 52.200-ma oñemboguejy pumbyry popeguápe. Ko app oñemboguejy pokõi tetãme, ha péicha ojeipapa: Paraguái (40.770), Argentina (5.173), Brasil (1.991), Bolivia (1.626), España (1.058), Estados Unidos (322) y Alemania (209).

Ko tembipurupyahu oguereko 3.200 ñe’ẽ rupi ha maymáva ikatu oñehendu guaraníme; upéichante avei, ikatu ojejuhu pype heta ambue mba’e ikatúva ojepuru ojekuaa ha porãve hag̃ua guarani ñe’ẽ.

Mayma umi temimoĩmby ogueroguatava’ekue ko app apo niko Paraguái Ñe’ẽnguéra Sãmbyhyha, Guarani Ñe’ẽ Rerakuapavẽ, Instituto Superior de Lenguas de la FF-UNA, ha ONG-kuéra Grupo de Grabaciones en Guaraní ha Estados Unidos guive PopulisTech.

Ko app oñeguenohẽ upe 2021 arýpe ha ikatu maymáva omboguejy reiete Play Store-gui pumbyry popegua oguerekóva Android rupive.


Compartir esta noticia

Últimas Noticias Publicadas