Logotipo.png
BOQUERÓN TAVUSÚPE OÑEMBOHAPE GUARANI JEPORUMEMERÃ
Publicado: 09/14/16 01:34:p. m.

Ko ararundýpe ojegueroguata Gobernación de Boquerón pe peteĩ taller oñembohapévo Léi 4251/10 Ñe’ẽnguéra rehegua ñemoañete opa Estado remimoĩmby ha opa hendárupi ko tavusu tuichakue. Ko taller omoakã Paraguái Ñe’ẽnguéra Sãmbyhyhára, Ladislaa Alcaraz de Silvero. Heta temomoĩmby ha opa ambue hendágui oñeime ko atýpe.

Ko taller ryepýpe oñeñomongeta guarani jeporu meme rehe oñeñangareko jave Estado rérape, ha avei, ypykuéra ñe’ẽnguéra oikovéva ko tavusúpe ñeñongatu ha ñemombaretejey, oiméramo ikangyhína.

Ñe’ẽ Rape’apo Moakãharapavẽ, Celia Godoy, ha Dpto. de Bilingüismo Paraguayo Moakãhára, Alcibiades Brítez, omboguatave ko taller ha ohecha hikuái opa tapicha oĩva ndive mba’éichamapa oguatahína ko guarani jeporu meme ñemoañete.

Ko taller aja, Guarani Ñe’ẽ Rerekuapavẽ Ytamirĩ, Almidio Aquino, oikuaauka umi guarani ñe’ẽ jehairã mbojojapyre, oguenohẽ ramova’ekue ko ñe’ẽ Rerekuapavẽ.

Gobernación de Boquerón, peteĩ ñe’ẽme’ẽ ári, oykeko mbaretehína PÑS rembiapo, omoañetévo Léi Ñe’ẽnguéra rehegua.

Compartir esta noticia

Últimas Noticias Publicadas