Logotipo.png
​Cordillera tavusúpe oho omba’apo PÑS mba’apoharakuéra
Publicado: 01/24/22 08:07:a. m.

Oisãmbyhýva Tekombo’e Cordillera Gobernación guive, Graciela Medina González, omog̃uahẽ ko tavusúpe Ñe’ẽ Rape’apo Moakãhapavẽ, Paraguái Ñe’ẽnguéra Sãmbyhyha (PÑS), mba’apoharakuérape.

Ko atýpe, PÑS mba’apoharakuéra ohesa’ỹijo mba’etépa he’i Léi 4251/10, Ñe’ẽnguéra Rehegua, oñeñe’ẽvo tavao ha tavusu remimoĩmbykuéra rehe. Omombe’u avei hikuái mba’emba’etépa PÑS rembiapo, Paraguái ñe’ẽnguéra rehehápe.

PÑS mba’apoharakuéra ohesa’ỹijo avei ko tavusúpe mba’emba’épa ikatu ijejapo ojeporu joja hag̃ua mokõive ñane retã ñe’ẽ tee (guarani ha castellano). Ha avei omog̃uahẽ hikuái heta tembipuru mokõive ñe’ẽ teépe, taha’e ojehai hag̃ua temimoĩmby kuatia, mba’éichapa oñeñangarekokuaa ñande rapicha rehe, mba’éichapa pumbyry rupive oñembohovaikuaa, mba’éichapa oñembosako’i ha oñemoakãkuaa aty, ha ambueve.

PÑS guive omoirũ ko aty Christian Ojeda, Rossana Arias ha Saturnina Diaz.


Compartir esta noticia

Últimas Noticias Publicadas