Grupo de Grabaciones en Guaraní (GGG) peteĩ ONG omba’apóva yma guivéma ñane retãme guarani rehehápe, oguenohẽ ramoite peteĩ aplicación celular-pe g̃uarã hérava Ehenduapp, oguerekopaitéva Ñandejára Ñe’ẽ guaraníme, taha’e oñehendu térã oñemoñe’ẽ hag̃ua. Ko app oĩma Play Store-pe oñemboguejy hag̃ua reiete celular-pe, oikóva Android ndive.
Ko aplicación oguerekopaitéva Biblia guaraníme, Génesis guive Apocalipsis peve, ombo’ayvu avei heta tapicha opa umi ojehaíva ipype; mba’eguasuete avei jajuhukuaáva ko tembipurúpe, péicha oykeko mbarete rehe guarani ñe’ẽme, ojehai ha oñehendu hag̃ua hekopete ko ñe’ẽ.
Ko tembiapo guasu, oñeñongatupaite hag̃ua ayvúpe ko aranduka tuichakue oñembohasapyre guaraníme, ojepyso mbohapy ary pukukue rupi. Upe rire, tenonderã oñeguenohẽ MP3-pe ha oñemosarambi reieténte, upe rire oñeguenohẽ ko app, ojejapóva Paraguáipe ha paraguaigua rembiapo, tembipuru oĩmava oñemboguejy hag̃uáicha.
Upaite umi 1.188 vore (31.187 vore’i) oguerekóva Ñandejára Ñe’ẽ ombo’ayvupaite 30 tapicha ñe’ẽasãihára guaranimegua, omoñe’ẽmbaitévo opa umi ava oĩva ko arandukápe ha avei umi omombe’úva ojehúva ipype.
Paraguái Ñe’ẽnguéra Sãmbyhyha omomba’eguasu ko tembiapo porã, omopa’ũgui péicha ñane guarani ñe’ẽ iñasãi hag̃ua tembipurupyahu rupive, upéichante avei, ikatu rehe mayma oipurúva omoñe’ẽ ha ohendu okopeporã ko guarani ñe’ẽ.
Grupo de Grabaciones en Guaraní (GGG)-pe PÑS ombojopoiva’ekue Rohayhu Che Ñe’ẽ rupive upe 2017 arýpe, opaite hembiapo rehe guarani ñe’ẽ rehehápe.
Compartir esta noticia
Amandaje guasu hérava Conferencia Internacional de Alto Nivel. Tesoro Mundial de Lenguas Nativas: Nutrir y Proteger, ombosako’íva Unesco, Rusia táva guasu, Moscú guive, ojekuaauka app Guarani Ayvu, mbohapy ñe’ẽasahára (guarani-castellano-inglés).
Ver másParaguái Ñe’ẽnguéra Sãmbyhyha (PÑS) mba’apoharakuéra omoirũ ko araapýpe aty guasu oñehesa’ỹijohaguépe “Bilingüismo dinámico y translenguaje: ¿una opción posible para el sistema educativo del Paraguay?” ombosako’iva’ekue Tekombo’e ha Tembikuaa…
Ver másParaguái Ñe’ẽnguéra Sãmbyhyhára (PÑS), Ladislaa Alcaraz de Silvero, mba’apoha kotýpe og̃uahẽ ko arakõime Josefina Bittar Prieto, doctora en Lingüística, Universidad de Nuevo México (EEUU) rupive; masterado-pe hembiapo rupive ojeporeka mba’éichapa…
Ver másParaguái Ñeʼẽnguéra Sãmbyhyhára (SPÑ), Ladislaa Alcaraz de Silvero, oñombyatyv ha ombaʼapo Organización de Estados Iberoamericanos moakãhára, Mirian Preckler Galguera; ministro Víctor Aquino, ministro Aníbal Salas ha ambueve mbaʼapohára ndive.
Ver másTemimoĩmbykuéra aty hérava Consejo Académico de la Cátedra Guaraní, Asociación de Universidades Grupo Montevideo (AUGM) ryepypegua, oñombyaty ko arakõime mokõiha ko 2022 arýpe ogueroguatave hag̃ua umi tembiapo oñepyrũmava’ekue upe ary ohasava’ekuépe,…
Ver másKo arapópe, 30 jasypoteĩme, oñeguenohẽta Centro Cultural de España Juan de Salazar-pe aranduka iñe’ẽkõíva, guarani-gallego, hérava “Rosalía ñe’ẽ poravopyre” (Escolma poética de Rosalía), omono’õva ñe’ẽyvoty haihára Galicia-gua Rosalía de Castro…
Ver más