Logotipo.png
GUANÁ OÑEHENDUKA, OIKOVE, OÑANDU HA OÑE’Ẽ MAYMA PARAGUAIGUÁPE
Publicado: 10/15/16 02:56:p. m.

Ko arakõi 17 jasypápe, 10:00 aravo guive, Gobernación de Concepción koty guasúpe, Paraguái Ñe’ẽnguéra Sãmbyhyha (PÑS) ha Comunidad Indígena Río Apa, Guaná kuéra ndive, ojapóta peteĩ ñomongeta guasu hérava “El pueblo Guaná levanta su voz, vive, siente y habla al Paraguay”, ojehechaukatahápe opa mba’e ojejapómava Guaná ñe’ẽ ñembokuatia, ñeñongatu ha jekuaauka rehehápe.

Ko aty guasu omoakãta Paraguái Ñe’ẽnguéra Sãmbyhyhára, Ladislaa Alcaraz de Silvero, omoirũta chupe Ypykuéra Ñe’ẽ Ñeñongatu ha Ñemoasãi Moakãharapavẽ, María De las Nieves Montiel ha hembiapo irũnguéra.

Ko’ã guaná, Kaskiha heropýva ymaite guive, oĩ familia lingüística Enlhet Enelhet térã Maskoy ryepýpe, itenonde umi ojapyhyvéva arandupy ambue ha iñe’ẽnguéra ikatu omano.

Ko comunidad indígena Río Apa opyta San Lázaro, tavusu Concepción pe, 8 kilómetros táva Vallemí gui. Umi Guaná oikóva ko tekohápe ndohasái 100 tapicha; hákatu, oĩ avei ambue tekoha ojehe’amahápe hikuái ambue indígena ndive: Machete Vaina, Km. 39, Km 40, Castilla ha Riacho Mosquito pe.

Ko ñomongeta guasu rupive ojekuaaukase opa Concepción guakuérape ko’ã indígena rekove ha mba’éichapa oñeha’ã hikuái omombaretejeývo iñe’ẽnguéra.

Ko aty guasúpe, heta mitã ha mitãrusu guaná, ojapóta peteĩ ñoha’aga mbyky iñe’ẽteepekuéra, ohechaukávo mitã pyahukuéra oiporujeymaha ko ñe’ẽ ikangyetemava’ekuékuri ha oñemba’apo rupi hese hekovepáy jey ohóvo.

Ko aty guasu ohenói temimoĩmby Estado pegua ha ipypegua’ỹvape, ha upéicha omoirũta heta mburuvicha ko tavusu pegua.

Compartir esta noticia

Últimas Noticias Publicadas