Logotipo.png
GUARANI ÑE’Ẽ REREKUAPAVẼ HA PARAGUÁI ÑE’ẼNGUÉRA SÃMBYHYHA OMBA’APO JOAJÚTA GUARANI RÉRAPE
Publicado: 06/28/16 11:57:a. m.

Paraguái Ñe’ẽnguéra Sãmbyhyha (PÑS) ha Guarani Ñe’ẽ Rerekuapavẽ (GÑR) omba’apo joajúta oipytyvõvo oñemomba’eguasu, ojehechauka ha ojeporumemévo guarani ñe’ẽ, taha’e oñeñe’ẽnguévo ha ojehaikuévo hekoitépe castellano ykére ñane retã ñe’ẽ teetéramo.

Ko tembiapo joaju ombokuatia ha oñemboheraguapýta PÑS Sãmbyhyhára, Ladislaa Alcaraz de Silvero ha GÑR Yta, Domingo Aguilera. Oikóta ko’érõ ararundy ka’arúpe, 15:30 aravo jave, Archivo Nacional pe, Mcal. Estigarribia ha Iturbe ojuasahápe, táva Paraguaýpe.

Apopyrãnguéra ñemoheñói oñemboajetahápe he’íva Léi 4.251 Ñe’ẽnguéra rehegua. Upéichante avei, oñemboaje peve ambuéva apopyrãnguéra mokõive temimoĩmby oipotaháicha, ãva ha’e amandajekuéra ha ambue tembiapo.

PÑS ha’ehína temomoĩmby oĩva oisãmbyhy hag̃ua tetãygua ñe’ẽnguéra ha oñangarekóva Paraguái Estado ha tetã tuichakue javeve ombojerovia hag̃ua Léi ñe’ẽnguéra. GÑR pópe katu oĩ ombohehekóvo guarani ñe’ẽme ijehai, iñe’ẽndy, he’iséva, iñe’ẽ ñemohenda ha iñe’ẽsyry.

Compartir esta noticia

Últimas Noticias Publicadas