Logotipo.png
Guarani Ñe’ẽ Rerekuapavẽ oguenohẽ hemimyasãi mokõiha
Publicado: 12/01/21 08:35:a. m.

Guarani Ñe’ẽ Rerekuapavẽ (GÑR) oguenohẽ mokõiha Tembikuaa ha Ñe’ẽporãhaipyre Rapereka Remimyasãimby, aranduka osẽva guarani ha castellano-pe. Osẽ ñepyrũ ko temimyasãi kuehe, araapy, 16:00 aravóramo, GÑR rógape, opytáva París 1102-pe, Paraguay távape.

“Ko temimyasãi ojeguerojera ikatu hag̃uáicha oñemoasãi tembiapo pyahu térã osẽ’ỹva gueteri, tembikuaarekapyre opaichagua, taha’e mbo’ehára, temimbo’e, tapicha iñarandúva rembiapokue; avei, ñe’ẽporãhaipyre opaichagua iñasãi hag̃ua”, oñemombe’u GÑR guive.

Ko temimyasãime ikatúta ojejuhu heta mba’e porã, ko’ãva apytépe oĩ ko GÑR rembiapoita rysýi; heta ñe’ẽpapára ñe’ẽyvoty guarani ha castellano-pe; heta ñande rapicha arandu rembihaikue, ko’ãva apytépe oĩ Gregorio Gómez Centurión, Domingo Aguilera, Delicia Villagra-Batoux, Celeste Escobar, María Gloria Pereira, ha ambueve mba’e.

Ko Tembikuaa ha Ñe’ẽporãhaipyre Rapereka Remimyasãimby, Guarani Ñe’ẽ Rerekuapavẽ rembiapo, jeikuaauka omyakã GÑR yta, Carlos Ferreira, ha omoirũ chupe ambueve terekuára ha heta tapicha oñeipepirũva’ekue.

Ko aranduka ombokuatia Servilibro, upégui ikatu ojejogua; upéichante avei, Guarani Ñe’ẽ Rerekuapavẽ rógagui ikatu ojejogua.



Compartir esta noticia

Últimas Noticias Publicadas