Logotipo.png
Hannes: Itajuku’i ñande ypykuéra ñe’ẽme g̃uarã
Publicado: 07/25/23 04:55:a. m.

Poyhu ha jeguerohorýpe , ñe’ẽpykuaaharakuéra ha terekuapavẽ ohechakuaa Hannes Kalisch rembiapo ñande ypykuéra ñe’ẽnguéra mombarete ha iñemyasãime.

Hannes Kalisch rekove jehekýi ko yvy ape árigui omyangekói tapichakuéra omomba’éva hembiapo porãita ñe’ẽpykuaa ryepýpe ha iñe’ẽme’ẽ ñande ypykuéra ñe’ẽnguéra rehehápe.

Hannes Kalisch ojekuaa kuri omba’apo haguére heta apopyrãme,umíva apytépe "Diccionario Trilingüe Guaná/Guaraní/Castellano", ha upekuévo avei tembikuaareka Maskoy/Enlhet Enenlhet ohejávo upéicha tembiaporãpave ogue’ỹtava araka’eve.Kalisch ñe’ẽpykuaahára kuaapyre,omotyre’ỹ ko’ãgã guive tavakuéra ñe’ẽpykuaa ha terekuapavẽme.

Kalisch hekove pukukue javeve ohapykuerereka ha omotenonde ñemoarandu familias lingüísticas Maskoy/Enlhet Enenlhet rehegua,ha upévare heta tapicha ha ñe’ẽkuaahára oguerohoryva’ekue hembiapo ñane retãme ha ambue tetãme avei,ko’ãga ñande ypykuéra tavayguakuéra ombyasyeterei ijehekýi ko yvy ape árigui.

Hembiapo paha "Diccionario Trilingüe Guaná/Guaraní/Castellano",apopyrã ojejapova’ekue Paraguái Ñe’ẽnguéra Sãmbyhyha ñepytyvõme ,ha upeva’erã omba’apo avei ambue mohendapy ava’atygua.

Ko ñe’ẽryru ohechauka ñeha’ã oñeñongatu,oñemombarete ha ojekuaauka hag̃ua ñe’ẽjoparaeta ha arandupy ambuéichagua tetãpýre.

Kalisch avei ohesa’ỹijo tavakuéra "Maskoy/Enlhet Enenlhet”,hembiapokuéra rupi oñemyesakã ha ojekuaave ko’ã ñe’ẽnguéra ha hembiapo herakuã mombyry ñane retãme ha ambue tetãme avei.

Iñarandukuéra apytépe jajuhukuaa :

"Wie schön ist deine Stimme. Berichte der Enlhet in Paraguay zu ihrer Geschichte" (2014)ohaiva’ekue Ernesto Unruh ha ambuéve ndive,ko arandukápe oñemombe’u Enlhet rembiasakue,ojeguerohoryhápe iñarandupy ha ijeroviapykuéra.

"Halhema-Teves. Apkeltennaikamaha Melietkesammap aktemakha nelvetai'a takha'" (2007)ojapova’ekue Manolo Rivero ndive.Oguereko mombe’upy pe távapegua.

"Vana pankek tata. Apkelhtenneekaa Emilio Leiva" (2006) Ernesto Unruh ha Manolo Romero ñepytyvõme ojapova’ekue ha oguerekóva Guana rembiasa.

"Enenlhet Apaivoma. Nentengiai'a nengiangvaiakmoho neliateikamaha enenlhet apaivoma.(2003) tapereka toba ñe’e’ypyramo ambue ñe’epykuaareka ndive.

Ñe’ẽpykuaaharaháicha omba’apo avei kuri osẽ hag̃ua tembiapoukapyrã omoañetéva jehaikatu Toba -Enenlhet-Mascoy rehegua, Léi 4251/10-pe,

Hembiapokuéra derecho ñande ypykueragua ojekuaa ha ojeguerohory opavave tenda rupi.


Tembiapo ojapóva ñande ypykuéra ñe’ẽ rehehápe opytáma techapyrãramo opavave tapicha omomba’éva arandupy ha ñe’engueraita rérape omba’apóva.

Opavave ñe’ẽngueraita mba’apohára ombyasy ojehekýire yvy ape árigui Hannes Kalisch.

Hembiapo porãita hi’ãnte opytáma mbyja ko’ẽicha ohesapévo tape oñemomba’e hag̃ua ko’ẽ ko’ẽre ñande ypykuéra ñe’e ha arandupy yvy ape ári.

Terepytu’u py’aguapýpe Hannes Kalisch.

Compartir esta noticia

Últimas Noticias Publicadas