Logotipo.png
ITAPÚA PE HÁMA OÑEMBA’APÓTA GUARANI JEPORU MEME REKÁVO
Publicado: 05/30/16 11:22:a. m.

Guarani jeporu meme rehe oñamba’apo ñepyrũtama avei Itapúa tavusu guive oñemoañetévo Léi 4251/10 Ñe’ẽnguéra rehegua ha oñembojojávo guarani ha castellano jeporu, Paraguái Estado ñe’ẽteéramo.

Paraguái Ñe’ẽnguéra Sãmbyhyha (PÑS) omoakã ko aponde’a Guarani jeporu memerã tavusu ha tavaoháre, joajúpe mayma mburuvicha ha opa tapicha ndive. Ko taller ojekuaaukatahápe aponde’a guasu oikóta Itapúa Gobernación kotýpe, ag̃a araapy 31 jasypo ramo, 08:00 aravo guive 12 peve.

Mba’eita ojehupytyséva ko taller rupive apytépe niko oĩ Paraguái reko joparaeta ha guarani ñemombarete haipy ha ayvúpe; mayma ñe’ẽ poruhára derécho rehe ñeñangareko joja; ha ñemba’apo joajúpe opa Departamento ha Municipalidad kuéra mburuvicha ha opaite tapicha ndive oñembohape hag̃ua guarani jeporu meme mamo hendápe ha opa mba’erã, haipy ha ayvúpe.

Paraguái Ñe’ẽnguéra Sãmbyhyha pópe oĩ hína ñe’ẽnguéra jeporurã ñembohape, ombojeroviávo tetã reko joparaeta ha iñe’ẽteekõi, ha’éva guarani ha castellano. Léipe voi he’i Estado tuichakue oikove va’erãha mokõive ñe’ẽteépe.


Compartir esta noticia

Últimas Noticias Publicadas