Logotipo.png
​Ka’akupe Tavao ha PÑS mba’apoharakuéra oñombyatýkuri
Publicado: 01/25/22 08:03:a. m.

Ka’akupe Tavao pegua Dirección de Educación moakãhára, María Laura García Osorio, ha ko temimoĩmby mba’apohára Óscar Bobadilla oñombyaty ha omba’apo Ñe’ẽ Rape’apo Moakãhapavẽ, Paraguái Ñe’ẽnguéra Sãmbyhyha puegua, mba’apoharakuéra ndive.

PÑS mba’apoharakuéra oĩva’ekue ko atýpe niko Christian Ojeda, Rossana Arias ha Saturnina Diaz.

Ko atýpe, PÑS mba’apoharakuéra ohesa’ỹijo mba’etépa he’i Léi 4251/10, Ñe’ẽnguéra Rehegua, oñeñe’ẽvo tavao ha tavusu remimoĩmbykuéra rehe. Omombe’u avei hikuái mba’emba’etépa PÑS rembiapo, Paraguái ñe’ẽnguéra rehehápe.

PÑS mba’apoharakuéra ohesa’ỹijo avei ko tavusúpe mba’emba’épa ikatu ijejapo ojeporu joja hag̃ua mokõive ñane retã ñe’ẽ tee (guarani ha castellano). Ha avei omog̃uahẽ hikuái heta tembipuru mokõive ñe’ẽ teépe, taha’e ojehai hag̃ua temimoĩmby kuatia, mba’éichapa oñeñangarekokuaa ñande rapicha rehe, mba’éichapa pumbyry rupive oñembohovaikuaa, mba’éichapa oñembosako’i ha oñemoakãkuaa aty, ha ambueve.


Compartir esta noticia

Últimas Noticias Publicadas