Ko arakõime 23 guive ha arapoteĩ 27 peve oikóta poapyha guarani ñemomorã guasu “Rohayhu che ñe'ẽ”, omoakãva Paraguái Ñe'ẽnguéra Sãmbyhyha (PÑS), heta ambue tetã remimoĩmby, ipmeñegua'ỹ ha ONG. Oñepyrũta ko pyharevépe, 10:00 aravo guive, PÑS Facebook Live rupive (https://www.facebook.com/splparaguay), ha omoirũta heta ñane tetã mburuvicha.
Oñemopepyrũmbáre ko “Rohayhu che ñe'ẽ”, oikóta, 10:30 guive, amandaje guasu hérava “Avances de la normalización y normativización de la lengua guaraní, según la Ley 4251/10, De Lenguas”, oñe'ẽtahápe PÑS sãmbyhyhára, Ladislaa Alcaraz de Silvero, ha Guarani Ñe'ẽ Rerekuapavẽ yta, Carlos Ferreira.
Ko árape avei, 18:30 aravo guive, oikóta ambue amandaje hérava “La atención de la lengua materna como derecho lingüístico y experiencias de buenas prácticas para el logro de la competencia comunicativa bilingüe (guaraní-castellano)”.
Ág̃a ko'ẽrõ 24-pe, 10:00 aravo guive, ojegueroguatavéta amandaje hérava “I seminario internacional sobre los avances de la lengua guaraní. Taimbarete guarani ayvu ha jehai ñane retã ha tetã ambuépe ”.
Upe 25 jasypoapýpe, guaraní Ñe'ẽ Ára, jepiveguáicha, 10:00 aravo guive, oñembojopóita “Rohayhu che ñe'ẽ” rupive heta ñande rapicha akóinte ohyvykóiva ko ñe'ẽ mamo henda guive. Upe árape avei, 18:00 aravo guive, oñeguenohẽ jeýta app Guarani Ayvu. Avei, 19:15 guive oikóta amandaje hérava “Experiencias exitosas de egresados de la carrera de Licenciatura en Lengua Guaraní”, ISL-UNA pegua.
Upe arapópe, 10:00 aravo guive, oikóta amandaje hérava “I Seminario de la Cátedra Guaraní de la AUGM”. Upe árape g̃uarã oñembosako'i avei, 18:30 aravo guive, amandaje hérava “Las implicancias de políticas lingüísticas en la formación de artistas en la Educación Superior”.
Arapoteĩme, 10:00 aravo guive, oikóta ñomongeta hérava “Avances del empleo de la lengua guaraní, como mecanismo de aseguramiento de la calidad en la Educación Superior”. Ha oñemohu'ãvo ko guarani arapokõindy ñemomorã, 18:30 aravo guive ojepurahéi ha oñemoñe'ẽ'yvoty ayvúta ko ñane ñe'ẽme.
Opaite mba'e oñembosako'ivahína Guarani Ñe'ẽ Arapokõindy Ñemomorã ryepýpe, ikatúta ojehechapaite Paraguái Ñe'ẽnguéra Sãmbyhyha Facebook Live rupive.
Jepémo heta mba'e oñembosako'i guarani rehehápe ko arapokõindy ryepýpe, PÑS guive rojerure avei maymávape tañañomoirũmi ha jaipuru ko ñane ñe'ẽ mamo hendápe ha opa mba'erã, taha 'ẽ rei rehe' ko.
Compartir esta noticia
Últimas Noticias Publicadas
schedule
Paraguái Ñe’ẽnguéra Sãmbyhyha oikuaauka ko ára guive oĩha Sãmbyhyhára ramo haihára Alfredo Javier Viveros Martínez. Ko ñemoguahẽ ypy oiko kuri Salón Auditorio Secretaría Nacional de Deportes-pe, oñemboajehápe Tembiapoukapy Ppy 583/2023 Tetã…
Ver más
schedule
Oñemohendávo “Unidades de Asuntos Lingüísticos” Tavao ha Tavusuokuéra ryepýpe oñemboajeháicha tembiapoukapy 6797/17,ojegueroguataporã kuri Ñomoirũ aporeko ha ñe’ẽpykuaa Tavaokuéra Villeta,Luque ha Guarambarépe.
Ver más
schedule
Ñe’ẽnguéra Rape’apo Moakãhapavẽ Paraguái Ñe’ẽnguéra Sãmbyhyha pegua,Instituto Superior de Lenguas UNA ha Ministerio de Salud Publica ha Bienestar Social omohu’ã ko árape Mbo’epy guarani ñe’ẽ rehegua.Ko tembiapo og̃uahẽ 500 mba’apohárape, umíva…
Ver más
schedule
Ypykuéra Ñe’ẽ Ñeñongatu ha Ñemyasãi Myakãha Paraguái Ñe’ẽnguéra Sãmbyhyhapegua kuaaharakuéra, iñe’ẽrysýi hikuái Amandaje Guasu Ñe’ẽporãhaipyre reheguápe.Myakãhára Rossanna Bogado de Orue ha Sonia Avalos, Ypykuéra Ñe’ẽ oguepotáva Ñemoingove ha…
Ver más
schedule
Paraguái Ñe’ẽnguéra Sãmbyhyha (PÑS) oikuave’ẽ reiete mayma omoñe’ẽsemívape mbohapy aranduka tembipurupyahu rupive, ñe’ẽrapereka rehegua oñemohu’ãmava’ekuke Ñe’ẽ Rapereka Moakãhapavẽ, PÑS pegua, guive. Ko’ã aranduka ojejuhúta ojeikéramo ko’ápe:…
Ver más
schedule
Aty ojejapova'ekue pyendavusu Zoom rupive Paraguái Ñe'ẽnguéra Sãmbyhyhára Ladislaa Alcaraz de Silvero, Moakãharakuéra ha mba'apohára Paraguái Ñe'ẽnguéra Sãmbyhyha ha Centro Nacional de Computación UNA-pegua apoharakatukuéra ndive oikuaauka hag̃ua…
Ver más