Logotipo.png
“MAITEI RORY OPA 10.000 TAPICHÁMA ORE MOIRŨVAPE FACEBOOK RUPIVE”
Publicado: 05/26/16 06:45:a. m.

Maymáva ore rapicha, tetã Paraguaigua ha tetã ambuegua oremoirũva fan page rupive, 10.000 árima oĩva, peẽme amombe’use ore remiandu: tuichaite vy’a ha py'arory oreañuã rohechakuaávo ko’ẽreíre ñande retaveha, ñamombe’u haguã ojupe jaikuaáva, ñañandúva ha jahechakuaáva ñane ñe’ẽnguéra rekove rehegua. Oremombarete rohechávo naoreañoiha roguatáva ko tape pukúre, omopyenda mbaretéva ñane retã ñe’ẽ tee mokõivéva ha upéichante avei mayma ñane retãygua aty imbovyvéva ñe’ẽ. Péicha oñondivepa jaguatáramo, Paraguái ñe’ẽnguéra hekove resãita akóinte ha mayma iñe’ẽhára hakate’ỹ ha ijaguaravéta iñe’ẽ rehe.

Roaguyjeme’ẽ peẽme peime rehe orendive, pejapysakáre ore rembiapóre akóinte ha péichakena jaguata jahávo tenonderã gotyo.

Paraguái Ñe’ẽnguéra Sãmbyhyha guive, pomomaitei rory!

Ladislaa Alcaraz de Silvero, Paraguái Ñe’ẽnguéra Sãmbyhyhára.


Compartir esta noticia

Últimas Noticias Publicadas