Logotipo.png
ÑAROMANDU’A KO ÁRAPE GUARANI OJEPORAVO HAGUE ÑE’ẼTEE RAMO “GUERRA DEL CHACO” AJA
Publicado: 05/28/16 08:10:a. m.

28 jasypo ramo, 1933 pe, Paraguái Ejército Moakãhára, José Félix Estigarribia oguenohẽ va’ekue kuatia he’ihápe guarani ñe’ẽteeha Guerra del Chaco pe, upéicha ñomongeta guerra hápe ha ijereroguatarã guaranínte ojeporu va’erã ani ambuéva oikumby marandukuéra.

Guaraníme ojeikove va’ekue ñorairõ aja ha upéicha ojehero avei mburuvichakuéra guaranímente. Techapyrã ramo jareko: Akã guasu, oje’e va’ekue Gral. Estigarribia pe; Leon Karẽ, Cnel. Rafael Franco; Jakare Valija, Tte.1º Manuel Irala Fernández; Merõ Ra’ỹi, soldado José Velázquez. Heta jey avei guarani rupive ojoikuaa Paraguaigua ñorairõ aja, ỹramo heta ojojukarei ramo’ã hikuái.

Umi clave kuéra, momarandurã ojeporu va’ekue ñorairõhápe osẽmbaite nunga va’ekue guaranímente. Techapyrã ramo oĩ: Aguara’i (patrulla de reconocimiento); Ambere (cañón 75mm); Saijovy (bala perdida); Jagua perõ (recluta), Kuña (proyectil). Ojekuaa avei guarani oiko ha oikove hague purahéi ha ñoha’angakuérape, ñorairõ aja. Ja’eporãse ramo opa Paraguaigua nunga oikove va’ekue guaraníme.


Compartir esta noticia

Últimas Noticias Publicadas