Logotipo.png
ÑE’ẼNGUÉRA LÉI PÉINA OÑEGUENOHẼ AVEI NIVACLÉ ÑE’ẼME
Publicado: 06/08/16 09:24:a. m.

Ko ararundy pyharevépe, Paraguái Ñe’ẽnguéra Sãmbyhyha (PÑS) rógape, oñeguenohẽ Léi 4251/10 Ñe’ẽnguéra rehegua nivaclé ñe’ẽme. Tuichaiterei mba’éva, tononderãitépe oĩ rupi ko ypykuéra ñe’ẽ péina ojeporúva Léi haipy ñembohasarã, guarani ha castellano rire.

Paraguái Ñe’ẽnguéra Sãmbyhyhára, Ladislaa Alcaraz de Silvero ha Editorial Servilibro Moakãhára, Vidalia Sánchez oikuaauka ko aranduka niveclé ñe’ẽ osẽva. Yiyo Juancito, Comisión Lingüística Nivaclé omotenondéva, ha Félix Ramírez, Comisión pegua avei, omoirũ avei ko aty ha ojapyhy hikuái Léi osẽ iñe’ẽmenguéra.

Ko Léi ñembojere nivaclé pe rupive ojehechauka opa ypykuéra ñe’ẽ ikatuha avei ojeporu opa hendápe ha opa mba’erã, mokõive ñe’ẽteéicha. Comisión Lingüística del Pueblo Nivaclé ombojere ko Léi haipy.

Pueblo Nivaclé, oĩva tavusu Boquerón, Chaco pe, 14.768 rupi heta hikuái ha 99% voi oiporu iñe’ẽtee. PÑS guive ojeykeko ypykuéra ñe’ẽ ñeñongatu ha ñemombareterã, tove tojeporu memeve mamo henda rupi ha péina ko Léi ñembojere rupive ikatu oñeñangarekove Nivaclé ñe’ẽ derécho rehe.

Ko Ñe’ẽnguéra Léi osẽ mbohapy ñe’ẽme: nivaclé, guarani ha castellano pe. Iñañete Editorial Servilibro ñepytyvõ rupive, omba’apo joajúva hína Paraguái Ñe’ẽnguéra Sãmbyhyha ndive.

Compartir esta noticia

Últimas Noticias Publicadas