Ypykuéra Aty Jasy ñemomorã ryepýpe, ko arapoteĩme, 5 jasypoapýpe, 9:30 aravo guive, oikóta amandaje ikatuhápe ojeho, hérava “Apoyo al rescate y revalorización de las lenguas indígenas: Experiencia de trabajo con los pueblos Guaná, Manjui y Pãi Tavyterã”. Oikóta Biblioteca y Archivo Central del Congreso Nacional koty guasúpe (opytáva Río Aquidabán ha Río Ypanéme, Paraguay távape), ikatuhápe oike maymáva ha reieténte.
Ko amandaje guasu ombosako’i Paraguái Ñe’ẽnguéra Sãmbyhyha (PÑS) ha Programa de las Naciones Unidas para el Desarrollo (PNUD), Paraguái Ypykuéra Ñangarekoha ha Grupo Interagencial de las Naciones Unidas Paraguái pegua ñepytyvõme.
Ko atýpe ojehechauka ha ojekuaaukase mba’eichaitépa oñemba’apo ojejúvo mboha’py ypykuéra aty ndive, Guaná, Manjui ha Pãi Tavyterã ndive, iñe’ẽnguéra ñeñongatu, ñemoasãi ha ñemombaretejey rehehápe. Ypykueraite voi ko’ã mbohapy aty peguágui omombe’úta opa mba’e ojejapóva ojejúvo.
Oñemboheróvo avei kóicha: “El papel de las mujeres indígenas en la preservación y transmisión del conocimiento”, heta hendáicha oñeñeha’ãta oñemongu’e ko Ypykuéra Aty Jasy ñemomorã, ojepysótava 2 jasypoapy guive, 9 jasyporundy peve, ojoajúvo avei Ypykuéra Ay Ára Yvy Ape Ári (9 jasypoapy) ha Kuña Ypykuérava Ára Yvy Ape Ári (5 jasyporundy), upéichante avei, oike Ypykuéra Ñe’ẽita Pa Ary Pukukue (DILI, 2022-2032).
PÑS, PNUD ñepytyvõme, Programa de Pequeñas Donaciones (PPD) ha Territorios y Áreas Conservados por Pueblos Indígenas y Comunidades Locales (TICCA) ñepytyvõme, omba’apo oúvo ypykuéra aty hérava Río Apa, Guaná aty pegua, ha Yeguahaty, Pãi Tavyterã aty pegua ndive, iñe’ẽ ñemombarete ha ñemomba’ejey rehehápe.
Avei, Consejo Nacional de Ciencia y Tecnología (Conacyt) ñepytyvõme, PÑS, joajúpe ypykuéra ndive, omoañete apopyrã hérava “Rescate lingüístico del pueblo Lumnanas - Manjui” ha hyepýpe ojapo Diagnóstico Sociolingüístico del Pueblo Manjui, Diccionario Bilingüe Castellano-Manjui ha Documental Manjui.
Kuñanguéra ningo tuichaiterei mba’e ypykuéra atýpe g̃uarã ha oykeko tuichaiterei ani hag̃ua ogue ha ombohasa hag̃ua iñemoñarekuérape iñarandupy ha imba’e teekuéra.
Tetã aty guasu Asamble General de las Naciones Unidas (Apoukapy A/RES/74/135 rupive) he’i pa ary, 2022 guive 2032 peve, ha’eha Decenio Internacional de las Lenguas Indígenas, hi’ãgui ojehechakuaa noĩporãieteha heta ypykuéra ñe’ẽ yvy ape ári ha mba’éichapa ikatu ojeykeko ha oñemba’apo oñemomba’e, oñemoasãi ha oñemombarete jey hag̃ua ko’ã ñe’ẽ.
Compartir esta noticia
Últimas Noticias Publicadas
schedule
Paraguái Ñe’ẽnguéra Sãmbyhyha oikuaauka ko ára guive oĩha Sãmbyhyhára ramo haihára Alfredo Javier Viveros Martínez. Ko ñemoguahẽ ypy oiko kuri Salón Auditorio Secretaría Nacional de Deportes-pe, oñemboajehápe Tembiapoukapy Ppy 583/2023 Tetã…
Ver más
schedule
Oñemohendávo “Unidades de Asuntos Lingüísticos” Tavao ha Tavusuokuéra ryepýpe oñemboajeháicha tembiapoukapy 6797/17,ojegueroguataporã kuri Ñomoirũ aporeko ha ñe’ẽpykuaa Tavaokuéra Villeta,Luque ha Guarambarépe.
Ver más
schedule
Ñe’ẽnguéra Rape’apo Moakãhapavẽ Paraguái Ñe’ẽnguéra Sãmbyhyha pegua,Instituto Superior de Lenguas UNA ha Ministerio de Salud Publica ha Bienestar Social omohu’ã ko árape Mbo’epy guarani ñe’ẽ rehegua.Ko tembiapo og̃uahẽ 500 mba’apohárape, umíva…
Ver más
schedule
Ypykuéra Ñe’ẽ Ñeñongatu ha Ñemyasãi Myakãha Paraguái Ñe’ẽnguéra Sãmbyhyhapegua kuaaharakuéra, iñe’ẽrysýi hikuái Amandaje Guasu Ñe’ẽporãhaipyre reheguápe.Myakãhára Rossanna Bogado de Orue ha Sonia Avalos, Ypykuéra Ñe’ẽ oguepotáva Ñemoingove ha…
Ver más
schedule
Paraguái Ñe’ẽnguéra Sãmbyhyha (PÑS) oikuave’ẽ reiete mayma omoñe’ẽsemívape mbohapy aranduka tembipurupyahu rupive, ñe’ẽrapereka rehegua oñemohu’ãmava’ekuke Ñe’ẽ Rapereka Moakãhapavẽ, PÑS pegua, guive. Ko’ã aranduka ojejuhúta ojeikéramo ko’ápe:…
Ver más
schedule
Aty ojejapova'ekue pyendavusu Zoom rupive Paraguái Ñe'ẽnguéra Sãmbyhyhára Ladislaa Alcaraz de Silvero, Moakãharakuéra ha mba'apohára Paraguái Ñe'ẽnguéra Sãmbyhyha ha Centro Nacional de Computación UNA-pegua apoharakatukuéra ndive oikuaauka hag̃ua…
Ver más